Drafti përfundimtar për Kodin Zgjedhor pritet të përfundohet nga palët politike ditën e nesërme dhe më pas do t'i kalohet Kuvendit për votim. Lajmin e bëri të ditur ish-deputeti i PD, Oerd Bylykbashi në studion e emisionit "5 pyetjet nga Babaramo" në Report TV. Sipas Bylykbashit, detyra e përfaqësuesve të opozitës është që çdo çështje e rënë dakord në marrëveshjen e 5 qershorit të reflektohen ashtu sic janë rënë dakord.
Sipas Bylykbashit, propozimet e opozitës parlamentare për disa ndryshim të Kushtetutës, lidhur me zgjedhjet e ardhshme parlamentare, ku mes tyre edhe propozimi për të ndaluar koalicionet parazgjedhore është një dokument i Edi Ramës. Përfaqësuesi i PD-së në Këshillin Politik, Oerd Bylykbashi tha se heqja e koalicioneve është një ëndërr e vjetër e kryeministrit Edi Rama.
"Diskutimi për heqjen e koalicioneve parazgjedhore, një propozim që është paraqitur nga deputetë të asaj gjona opozita parlamentar, por që është një dokument i Edi Ramës, i cili përfshin ëndrrën e vjetër për të hequr koalicionet. Ai gjykon se në këtë lojë do të jetë ai që do të ketë mundësi të propozojë gjithmonë kryeministrin. Por kushtetua ia parashikon ose partisë më të madhe ose koalicionit më të madh. Ai do të heqë këtë pjesë. Do të mohojë jo vetëm traditën dhjetëra vjeçare të politikës shqiptare që të bëjë koalicione, por do t'ja lërë pazarit që nëse merr mandatin e kryeministrit të ofrojë llokmën e madhe të ndarje të tepsisë në mënyrë që të joshë parti individuale që të bëjë qeverinë. Pra do ta lerë nga një marrëveshje transparente para zgjedhore sic koalicioni në një pazar paszgjedhor, këtë synon Rama. Është një dokument i pastër i Ramës", tha Bylykbashi.
Sipas Bylykbashit, propozimi i opozitës në parlament nuk përfshin lista të hapura, por propozon krijim të rajoneve.
"Ky propozim nuk flet farë për listat e hapura. Propozohet krijimi i rajoneve në kushtetutë. Ne nuk kemi rajone, por qarqe. Dimë që Rama po përpiqet të krijojë 4 rajone që do të ndahet Shqipëria. Nuk është ndarja administrative kushtetuese, por do ta krijojë dhe ky dokument propozon atë që kërkon Edi Rama. Ajo që është midis qesharakes dhe të rrezikshmes është propozimi që vjen nga individë që ndoshta pretendojnë të krijojnë parti të re që do të jetë e vogël si fillim, që të vendoset një prag zgjedhor prej 5%, i cili është jo vetëm vrastar për ëndrrën e këtyre propozuesve për të krijuar një parti të tyren, por vret shumicën dërrmuese të partive të vogla parlamentare ", u shpreh Bylykbashi.
Ish-deputeti i PD, Oerd Bylykbashi tha në studion e emisionit "5 pyetjet nga Babaramo" se nesër do të përfundojnë dokumentin dhe ta dërgojnë në Kuvend.
"Unë gjykoj që mundësisht nesër ta përfundojmë, pra ta siglojmë si dokument që t'i shkojë Kuvendit. Janë detaje të fundit që po diskutohen. Menjëherë pas asaj është një proces që ndodh gjithmonë. Detyra imja, Vasilit dhe e kolegëve tanë ekspert është që ne të sigurohemi që çdo që është rënë dakord në marrëveshjen e 5 qershorit të reflektohen siç është rënë dakord", u shpreh Bylykbashi.
Ish-deputeti i PD, Oerd Bylykbashi tha se Edi Rama u pëepoq që të marrë të gjitha komisionet zgjedhore, por pasi u kuptua nga ndërkombëtarët, ai nuk ia doli dot.
"PS tentoi t'i merrte të gjitha komisionet zgjedhore, të gjitha dhe KQZ në çdo rast do të ishte nën kontrollin e mazhorancës. Ti marrë të gjitha komisionet në raportin 5 me 2 do të ishte një kthim pas 20-vjeçar. Kështu kanë qenë komisionet e 2000 që sollën katastrofë. Në 2003 u balancuan, nuk kanë funksionuar siç kërkon ligji, sic do të donim ne, por të paktën nuk kishte betejë politike për komisionet. Është një shprehje që thotë "pse duhet zgjuar qeni që fle". Pse duhej të prodhohej një konflikt politik kur të gjithë do të tregonin me kishte që Rama ka kapur të gjitha komisionet. Këtë e kuptuan ndërkombëtarët dhe në fund i vunë gardhin dhe Rama u tërhoq. Pra nuk arriti dot t'i kapte", tha Bylykbashi.
Lajme të tjera
-
Teliti te ‘5 Pyetjet’: Gjekmarkaj u dhunua nga policia! Ironizon Hitaj: Mund të themi se ishte atentat i organizuar nga Rama, por s’është ashtu
23 Dhjetor, 21:50 -
Ironia e Spahiut: A do vazhdojë protesta nesër, apo deputetët do ikin me pushime?
23 Dhjetor, 21:23 -
Adriatik Doçi: Deputetët e PD që kanë mbi 3 shtëpi me rrogë shteti, bie sfida e Berishës për Altin Dumanin
23 Dhjetor, 09:32
-
Kriza me Gjykatën Kushtetuese, Karaj: Zaçaj ka firmosur mandatin e lënë nga Vitore Tusha deri në mars! Flogert Muça: Amerikanët nuk kanë reaguar, ky është mesazhi!
16 Dhjetor, 22:31 -
Spahiu: Përplasja e Gjykatës së Lartë me Kushtetuesen, rast i paprecedent në historinë e Shqipërisë
16 Dhjetor, 21:53 -
Spahiu për Dumanin: SHBA zyrtarizoi sot vazhdimësinë e mbështetjes ndaj SPAK
9 Dhjetor, 21:40 -
Përjashtimi i Berishës nga Grupi Parlamentar i PD-së, Lulzim Basha: Vendimi ishte i drejtë, do ta merrja sërish
5 Dhjetor, 20:11 -
Zgjedhjet e 2025/ Pas Tiranës Berisha cakton grupet e punës në Durrës, Elbasan dhe Lezhë, e Kukës (LISTAT)
5 Dhjetor, 18:27 -
Mero Baze: Listat e mbyllura, 'qokë' që Berisha të fitojë opozitën
5 Dhjetor, 07:14
-
Shpërthimi në Zubin-Potok/ Kikia: Serbia po përdor armët e fundit! Etjen Xhafaj: Gara e armatimit nuk është zgjidhje! Çollaku: Harrojeni se Beogradi do njohë Kosovën
2 Dhjetor, 22:24 -
Spahiu: Kush loboi më fort në SHBA për fitoren e Trump: Shqipëria, Serbia apo Kosova?
2 Dhjetor, 21:47 -
Shpërthimi në Zubin-Potok/ Ministri Sveçla në '5 Pyetjet': Serbia mbështet dy organizatat terroriste! Bashkëpunim nëse dorëzojnë Radoiçiç! Do shpalosim skenarin e tyre
2 Dhjetor, 21:22
