Receta

Byrek me gjizë dhe vezë nga amvisa Edlira Naço

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00. Herë pas here rubrikës së gatimit i bashkohen amvisa dhe shefa të ndryshëm kuzhine.

Redaksia 29 Janar, 11:26 | Përditesimi: 29 Janar, 11:28

Byrek me gjizë dhe vezë

Përbërësit:

300 gr miell
1 filxhan kafeje vaj ulliri
200 ml ujë
1 lugë kafeje maja birre ose fryrës
Pak kripë
2 kokrra vezë
250 gr gjizë
1 filxhan kafeje qumësht
2 lgj vaj ulliri ose gjalpë

Përgatitja:

LEXO EDHE:
Qofte me miell misri dhe hithra nga zonja Albana

Si fillim përgatisim brumin, përziejmë miellin, vajin, kripën, fryrësin me ujë të vakët. E lëmë brumin të qetësohet për rreth 30 minuta. Në qoftë se brumi është pak i ujshëm i hedhim pak miell, në të kundërt shtojmë pak ujë të vakët. E ndajmë më pas brumin në 10 copa të vogla, hapim 5 petët e para njëra mbi tjetrën duke i lyer me pak vaj ose niseshte. Hapim petët sa kemi tavën, të cilën e kemi të lyer me vaj dhe vendosim mbushjen me gjizën e trazuar mirë me qumështin, vajin dhe vezët. Hapim 5 petët e tjera dhe i vendosim mbi mbushje. Rregullojmë anësoret dhe e vendosim byrekun në furrë të parangrohur në temperaturën 200 gradë Celsius për 30 minuta.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com