Receta

Byrek me perime me katër lugë gjelle miell nga Zonja Vjollca

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00.

Redaksia 28 Prill 2020, 10:05 | Përditesimi: 28 Prill 2020, 10:39

Byrek me perime me katër lugë gjelle miell

Përbërësit:

4 vezë

LEXO EDHE:
Tavë me lakër arme dhe kimë nga zonja Albana

1/2 gotë vaj

1 gotë kos

4 lugë gjelle miell

1 lugë çaji pluhur pjekës

2 patate të mëdha (në rende)

1 filxhan çaji djathë i bardhë i thërrmuar

2 karrota në rende

1 tufë spinaq (200 gr)

1 presh (vetëm pjesa e bardhë)

Kripë dhe piper i zi

Spec pikant (opsionale)

1 filxhan çaji djathë kaçkavall i butë

Përgatitja:

Qërojmë patatet dhe i grijmë në rende, nga pjesa më e trashë e rendes. Po kështu veprojmë edhe me karrotat.

Spinaqin e lajmë, e thajmë dhe e presim hollë. Presim preshin përsë gjati në 1/2 dhe më pas e grijmë hollë. Thërrmojmë rreth 150 gr djathë të bardhë dhe grijmë në rende nga pjesa e trashë djathin e butë që shkrin. I lëmë perimet dhe djathërat mënjëanë.

Në një tas rrahim vezët, vajin, kosin, kripën dhe i përziejmë të gjithë së bashku. Shtojmë miellin dhe pluhurin pjekës dhe përsëri i përziejmë mirë.

Shtojmë në tasin me vezë patatet e grira në rende, karrotat e grira, djathin e thërrmuar, spinaqin, preshin, kripën, erëzat, i përziejmë mirë.

Shtrojmë në një tavë letër pjekje dhe mbi të shtojmë brumin, e nivelojmë mirë dhe e vendosim tepsinë në furrën e parangrohur në temperaturë 180 gradë Celsius, e lëmë të piqet për 15-20 minuta, derisa djathi të shkrijë dhe të ketë marrë ngjyrë të kuqerremtë. E lëmë të ftohet dhe e servirim të ndarë në feta.