Receta

Byrek me qepë dhe djathë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 1 Mars 2022, 11:02 | Përditesimi: 1 Mars 2022, 11:03

Byrek me qepë dhe djathë nga zonja Albana

Përbërësit:

1 pako petë të gatshme

LEXO EDHE:
Hallvë me arra nga zonja Albana

1 ½ kg qepë

3-4 lgj vaj ulliri

1 lgj trumzë

50 gr uthull balsamike

½ lgj sheqer

300 gr djathë të bardhë

Kripë, piper

Vaj ulliri për petët

Përgatitja:

Presim qepët në gjysmë hënë dhe i vendosim në një tigan të madh me 3-4 lugë vaj ulliri. I spërkasim me kripë, piper, trumzë, pak sheqer dhe uthull balsamike dhe i lemë qepët për rreth 20 minuta në temperaturë të lartë të skuqen dhe karamelizohen mirë. Më pas e vendosim qepën e karamelizuar në një tas ku shtojmë djathë të bardhë të thërrmuar.

Parangrohim furrën në temperaturën 180 gradë Celsius në ajër.

Lyejmë tavën me pak vaj ulliri dhe shtrojmë dy peta duke i spërkatur me yndyrë. Vendosim një shtresë me qepë, një shtresë me dy petë, përsëri mbushje – petë. Rregullojmë anësoret e petëve dhe më pas e presim byrekun, por jo duke e çuar thikën deri në fund. E vendosim byrekun të piqet në furrë në 180 gradë për 45 minuta.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com