POP 5

Lajmet më të lexuara të 5 minutave të fundit

Sport

Cagliari i dobët për Interin, zikaltërit kapin Milanin dhe Napolin në krye! At.Madrid e frikshme, 'shpartallon' Vallecano-n (VIDEO)

Golat e Dumfries dhe Lautaro Martinez i siguruan Interit fitoren në javën e dytë të Seria A kundër Cagliarit. Ndërkohë në La Liga, Atletico Madrid ka shpartalluar 7-0 Rayo Vallecano-n për tre pikët e rradhës në kampionat.

Interi i është bashkuar Milanit dhe Napolit në krye të Seria A, pasi zikaltërit kanë kaluar pa probleme Cagliari-n në ndeshjen e fundit të javës së dytë të kampionatit. Në Sardenja të besuarit e Inzaghit fituan 0-2 një ndeshje që e vulosën që në pjesën e parë.

Në minutën e 21 pas disa këmbënguljeve të njëpasnjëshme ishte Dumfries, i cili zhbllokoi shifrat. Interi nuk e la me kaq dhe falë presionit ndaj të zotëve të shtëpisë arriti të dyfishonte me të përhershmin Lautaro Martinez. Ky i fundit u ngjit në kuotën e 3 golave, duke barazuar Osimhen-in e Napolit, por edhe Giroud-in e Milanit. Sakaq të treja skuadrat pas javës së dytë të kampionatit janë në kuotën e 6 pikëve, po aq sa edhe Verona.

 

Sfida tjetër e ditës së hënë në Seria A mes Salernitana-s dhe Udinese-s u mbyll me shifrat 1-1.

Ndërkohë në La Liga Atletico Madrid ka shpërtalluar me shifrat 7-0 Rayo Vallecano-n ku luan edhe Ivan Balliu. Serinë e golave e nisi Griezman dhe më pas vijoi me Depay-n, Molina-n, Morata ‘dopietë’, Correa dhe në fund Hermoso. Kjo ishte fitorja e dytë në 3 javë kampionat për Atletico-n, por mënyra se si erdhi ky trepikësh është një sinjal i qartë si për Barcelonan ashtu edhe për Real Madrid. 3 skuadra të cilat luftojnë për titull kampion.

 

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • e drejta: 29/08/2023 11:30

    AMALA FORZA INTER AMALA..

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Fjalimi i zgjatur i Metës, një grup delegatësh të rinj nuk durojnë më dhe largohen nga salla

Fjalimi i zgjatur i Metës, një grup delegatësh të rinj nuk durojnë më dhe largohen nga salla

27 Prill, 12:22