POP 5

Lajmet më të lexuara të 5 minutave të fundit

Sport

Calhanoglu mban gjallë endrrën Champions, Milan mposht në transfertë Fiorentinën

Hakan Calhanoglu ka mbajtur gjallë shpresat e Milanit për të siguruar një vend në “Champions League” sezonin e ardhshëm. “Djalli” falë turkut ka mposhtur 0-1 në transfertë Fiorentinën, ndërsa tre pikët këtë javë të “Seria A” ka marrë edhe Lazio.

Calhanoglu mban gjallë endrrën Champions, Milan mposht në transfertë Fiorentinën

Misioni ‘Champions’ mbetet ende në lojë për Milanin pasi skuadra e drejtuar nga Gatusso ka fituar minimalisht 0-1 ndaj Fiorentinës në javën e 36 të “Seria A”. Në Firence ‘djalli’ mori një trepikësh me mjaft vlerë falë Hakan Calhanoglu, i cili me golin e tij mban ende në lojë kuqezinjtë për të arritur një vend që të dërgon në “Champions League”.

Turku me numrin 10 në minutën e 35 devijoi me kokë një kros të Suso-s duke e bërë të pamundur reagimin e portierit mik. Edhe pse Fiorentina me kalimin e kohës rriti nivelin e lojës, herë Donnarumma dhe herë tjetër fati bëri që porta e Milan të mbente e paprekur. Në fund fitorja e ngjit “djallin” në kuotën e 62 pikëve, 1 më pak se Interi i vendit të katërt dhe 3 më pak se Atalanta e vendit të tretë. Ndryshe nga këta të fundit, Inter ende nuk e ka zhvilluar ndeshjen e kësaj jave pasi do të luajë të hënën kundër Chievo-s.

Ndërkohë 3 pikë shprese këtë javë në “Seria A” ka marrë edhe Lazio që në transfertë ka mposhtur me rezultatin 1-2 Cagliari-n. Në ‘Sardegna Arena’ miqtë nga kryeqyteti morën avantazhin më minutën e 31 falë spanjollit Luis Alberto, i cili konkretizoi në mënyrë perfekte një aksion të bukur të skuadrës së drejtuar nga Inzaghi.

Në fillimin e pjesës së dytë Lazio shfrytëzoi më së miri hapësirat e lëna nga Cagliari duke kapur në kundërsulm vendasit dhe duke dyfishuar rezultatin me Correa-n. Në ekstremin e lojës Pavoletti shkurtoi diferencat, por koha e mbetur në dispozicion të vendasve ishte shumë e pakët për të dalë me pikë nga ky takim.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Meta në SPAK 2 orë e gjysëm, avokati Gjokutaj: U pyet vetëm për lobimin në SHBA! Kërkoi të flasë me gazetarët, por i thanë e pamundur

Meta në SPAK 2 orë e gjysëm, avokati Gjokutaj: U pyet vetëm për lobimin në SHBA! Kërkoi të flasë me gazetarët, por i thanë e pamundur

7 Janar, 13:24