TIRANË- Një status i peshëngritësit Briken Çalja ku shkruante “Dy gabimet e mia në karrierë! Besimi i tepërt te personat e gabuar dhe tolerimi më shumë seç duhet… Së shpejti do të marrin përgjigjen e duhur…” është interpretuar në disa media sikur e ka pasur 'sulm' me Ministrinë e Arsimit. Kjo sepse sipas tyre, Çalja nuk është paguar për 3 medaljet e marra në Kampionatin Botëror, që u mbajt në Tashkent të Uzbekistanit.
Mirëpo një lajm i tillë nuk është i vërtetë. Ministria e Arsimit ka publikuar ditën e sotme urdhrat e pagesës për shpërblimin e Brikenit bashkë me trajnerin e tij, jo vetëm për kampionatin botëror por edhe atë evropian.
"Po lexoj sot në media një lajm të pavërtetë që gjoja qeveria sorollat kampionin Briken Çalja dhe nuk e ka shpërblyer ende për titullin kampion bote në peshëngritje. Për informim të opinionit publik, po ju publikoj urdhërat e pagesës për shpërblimin e Brikenit bashkë me trajnerin e tij, jo vetëm për kampionatin botëror por edhe atë evropian.
Aktualisht, MAS i ka kryer të gjitha procedurat financiare për shpërblimin e të gjithë sportistëve që kanë fituar medalje, nëpërmjet federatave sportive përkatëse, sipas legjislacionit në fuqi. Pas kësaj, është detyrim i vetë federatave për të kaluar këto shpërblime të qeverisë në llogarinë personale të sportistëve. I bëj thirrje të gjitha federatave që të zbatojnë detyrimet e tyre ndaj sportistëve brenda afateve të caktuara. Qeveria shqiptare do të vazhdojë të mbështesë pa u ndalur sportistët tanë elitarë dhe zhvillimin e sportit në tërësi", shkruan ministrja e Arsimit, Evis Kushi.
Pas reagimit të Ministrisë, ka reaguar edhe vetë sportisti i cili ka konfirmuar se ka marrë shpërblimin e akorduar, teksa ka sulmuar Federatën e Peshëngritjes, sipas së cili nuk i ka dhënë atë që meriton.
"Në lidhje me Federatën e Peshëngritjes, doja thjesht të shprehja keqardhje për gënjeshtrat dhe hipokrizitë e vazhdueshme në lidhje me këtë temë. Nëse në llogarinë e Brikenit ka ardhur shpërblimi i plotë i medaljeve siç Federata pretendon kjo është lehtësisht e verifikueshme. Në llogarinë e Brikenit ka kaluar vetëm urdhri i pare i Ministrisë, siç dhe unë kam rënë personalisht dakord për ndarjen e shpërblimit në pjesë. Çdo transaksion bankar është lehtësisht i verifikueshëm në sistemet bankare dhe në Thesarin e shtetit, kështu që t'i lëmë mënjane hipokrizitë dhe gënjeshtrat por t'i japim drejtim punës siç duhet", shkruan Çalja.
Peshëngritësi Briken Çalja ka sqaruar se shpërblimin që kishte për të marrë nga Ministria e Arsimit i kanë kaluar në llogari dhe se statusi i tij, nuk kishte asnjë lidhje me këtë çështje. Mirëpo, duke shfrytëzuar këtë moment, ai nuk ka nguruar që të hedhë akuza në drejtim të Federatës së Peshëngritjes, sipas së cilit kjo e fundit ka gënjyer dhe nuk i ka dhënë atë që meriton.
“Sqarim për opinionin publik në lidhje me situatën e krijuar: Së pari, postimi i bërë dje në profilin tim nuk ka lidhje me shpërblimet financiare të medaljeve të fundit. Për çdo postim në profilin tim mbaj përgjegjësi morale prandaj është udhës të sqaroj konkretisht disa situatat dhe mos t'i lihet vend keqinterpretimeve.
Së dyti, meqë kartat për temën e shpërblimeve u hapën mbi tryezë doja të sqaroja dhe të vija pikat mbi “i” për disa gjëra.
Në lidhje me qeverinë dhe Ministrinë konkretisht i jam vërtet mirënjohës për Ligjin e ndryshuar të Sportit dhe për procedurat korrekte në lidhje me shpërblimet e sportistëve për medaljet e fituara. Ministria e ka bërë punën e vetë për këtë temë dhe korrektësia e treguar nga ana e saj meriton veç se duartrokitje.
Në lidhje me Federatën e Peshëngritjes, doja thjesht të shprehja keqardhje për gënjeshtrat dhe hipokrizitë e vazhdueshme në lidhje me këtë temë. Nëse në llogarinë e Brikenit ka ardhur shpërblimi i plotë i medaljeve siç Federata pretendon kjo është lehtësisht e verifikueshme.
Në llogarinë e Brikenit ka kaluar vetëm urdhri i pare i Ministrisë, siç dhe unë kam rënë personalisht dakord për ndarjen e shpërblimit në pjesë. Çdo transaksion bankar është lehtësisht i verifikueshëm në sistemet bankare dhe në Thesarin e shtetit, kështu që t'i lëmë mënjane hipokrizitë dhe gënjeshtrat por t'i japim drejtim punës siç duhet.
Mbaj përgjegjësi morale e ndoshta edhe me tepër për fjalitë e fundit në lidhje me Federatën e Peshëngritjes dhe procedurat e shpërblimit financiar! Doja thjesht t'ju falenderoja për përkrahjen dhe shihemi se shpejti në garat e ardhshme. Brikeni”!
Lajme të tjera
-
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
VIDEOLAJM/ ‘Ik, zhduku’, kush i provokoi nga brenda Ministrisë së Arsimit qytetarët që po protestonin për vrasjen e Martin Canit
21 Nëntor, 16:36 -
Futi në kurth arsimin, dërgohet për gjykim 20-vjeçari që ngriti skemën e mashtrimit me bursa studimi në SHBA! Hiqej si zyrtar i ambasadës, dha 19 certifikata false për nxënës e mësues
20 Nëntor, 13:44 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Pjesëmarrja e opozitës në Kuvend, Evis Kushi në Report Tv: Kuptuan se me dhunë dhe djegie karrigesh nuk arrijnë asgjë! Ja cilat janë ristë e platformës ‘Deputeti që duam’
8 Nëntor, 15:53 -
Buxhetin 2025 do ta ‘gllabërojnë’ rrugët, marrin 334 mln euro! Rritje 94 mln € edhe arsimit! Në fokus Shëndetësia, Siguria dhe Mbrojtja
29 Tetor, 17:00
-
Manastirliu në Shkodër: Plan i ri strategjik për Universitetin ‘Luigj Gurakuqi’, qendër rajonale e arsimit të lartë
19 Tetor, 13:49 -
Nis viti i ri akademik, Universitetet hapin dyert për 120 mijë studentë! 20 mijë prej tyre ulen për herë të parë! Manastirliu: Nuk mbyllen degë
7 Tetor, 08:13
-
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Manastirliu: 500 shkolla Qendra Komunitare, forcojmë bashkëpunimin mes shkollës dhe komunitetit kundër fenomeneve negative
30 Shtator, 12:08 -
Ekskluzive/ Skandali me diplomat false, dy ish-rektorët e Wisdom tregojnë si zbuluan skemën! Përpali: U dorëhoqa kur i pashë me firmën time! Jepeshin diploma pa qenë asnjëherë në kolegj
18 Shtator, 17:45
