Cameron reagon pas deklaratës së Von der Leyen: Nuk do të kthehemi më në BE

Britania e Madhe i është përgjigjur negativisht dëshirës së presidentes së Komisionit Evropian, Ursula von der Leyen, për kthimin e mundshëm të Mbretërisë së Bashkuar në Bashkimin Europian.

Në një intervistë ekskluzive të dhënë nga Sekretari i Jashtëm britanik, David Cameron për gazetën italiane Corriere della Sera, kryeministri i referendumit të Brexit-it të 2016-ës hodhi poshtë çdo mundësi të kthimit të Britanisë.

“Nuk jam dakord: Britania e Madhe bëri zgjedhjen e saj në referendum, me një diferencë të konsiderueshme, dhe ne zgjodhëm të jemi miq, fqinjë dhe partnerë të BE-së, por jo anëtarë. Detyra jonë është ta bëjmë këtë partneritet të funksionojë. Ne dërgojmë burimet tona në një partneritet me Europën për të zgjidhur sfidat dhe problemet, qoftë migrimi apo ndihma për Ukrainën. Dhe unë mendoj se ne mund ta bëjmë atë me sukses”, tha Cameron.

LEXO EDHE:
I verbuar nga xhelozia, dënohet me 15 vite burg shqiptari në Britaninë e Madhe që tentoi të vrasë gruan

Cameron ka shërbyer si kryeministër në kohën e referendumit të qershorit 2016, i cili u pasua nga disa vite negociatash të vështira për Brexit. Pas referndumit, ai dha dorëheqjen.

S.S/Shqiptarja.com

TAG:
• Britani e Madhe
• david cameron