POP 5

Lajmet më të lexuara të 5 minutave të fundit

Ekonomi

Cani letër Llallës: Të
hetohen krimet financiare

Ministri i Financave, Shkëlqim Cani i është drejtuar me një letër kryeprokurorit Adriatik Llalla, ku i shpreh shqetësimin për qëndrimet pasive që po mban organi i akuzës për çeshtjet e kallëzuara nga Ministria e Financave. 
Cani letër Llallës: Të<br />hetohen krimet financiare
TIRANE- Ministri i Financave, Shkëlqim Cani i është drejtuar me një letër kryeprokurorit Adriatik Llalla, ku i shpreh shqetësimin për qëndrimet pasive që po mban organi i akuzës për çeshtjet e kallëzuara nga Ministria e Financave.  Që në fillim të letrës, zoti Cani informon kryeprokurorin se Ministria e Financave dhe institucionet që ajo ka në varësi, të angazhuara në luftën ndaj korrupsionit kanë paraqitur pranë organit të akuzës 192 kallëzime penale, të cilat implikojnë 569 autorë.

“Këto kallëzime, i referohen veprave penale në disa fusha, që nga shpërdorimi i detyrës, mashtrimi dhe fshehja e taksave, por edhe veprimtari të paligjshme në lojrat e fatit dhe pastrimi i parave”, i shkruan kryeprokurorit, ministri Cani. Por përballë këtyre 192 çështjeve, siç shpreh shqetësimin kreu i Financave, Prokuroria e ka informuar Ministrinë vetëm për 10 raste, që përbëjnë pak më shumë se 5 për qind të totalit. Nga këto, në një rast Prokuroria ka vendosur të mos e fillojë hetimin, në dy të tjerë e ka pushuar çështjen, ndërsa për shtatë kallëzimet e mbetura ka vendosur delegimin e dosjeve.

Përballë kësaj situate, ministri i Financave shpreh në letrën e tij shqetësim dhe kërkon vëmendjen e kryeprokurorit për mungesën e informimit mbi çështjet e kallëzuara. Për këto arsye në fund të letrës që i dërgon Prokurorit të Përgjithshëm, ministri Cani ka bashkëlidhur edhe të dhënat e detajuara për rastet që janë kallëzuar nga Ministria e Financave. Mësohet se në listën e të kallëzuarve ka një sërë ish zyrtarësh të lartë të Ministrisë së Financave, dhe Drejtorisë së Tatimeve dhe asaj të doganave. Ata janë denoncuar për një mori veprimesh, që lidhen me skemat e mashtrimit me rimbursimin e TVSH-së, abuzimet me lojrat e fatit, por edhe për korrupsion në radhën e pagesave të thesarit, ku sipas kallëzimeve janë favorizuar biznese të caktuara. 

Shkrimi u publikua sot 27 prill 2014 në gazetën Shqiptarja.com (print)

Redaksia online
(d.a/shqiptarja.com)   

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51