POP 5

Lajmet më të lexuara të 5 minutave të fundit

Ekonomi

Cani ministrive: Ju bllokojmë
po nuk shlyet biznesin për 10 ditë

Me anë të një urdhëri të ministrit të Financave, synohet zgjidhja e situatës paradoksale për detyrimet e prapambetura. Megjithëse paratë e detyrimeve të krijuara nga shteti në kohën e qeverisë berisha për biznesin kalojnë në Thesar, ministritë e linjës apo institucione të ndryshme buxhetore vonojnë në mënyrë të pajustifikuar pagesat ndaj firmave.
TIRANE- Me anë të një urdhëri të ministrit të Financave, synohet zgjidhja e situatës paradoksale për detyrimet e prapambetura. Megjithëse paratë e detyrimeve të krijuara nga shteti në kohën e qeverisë berisha për biznesin kalojnë në Thesar, ministritë e linjës apo institucione të ndryshme buxhetore vonojnë në mënyrë të pajustifikuar pagesat ndaj firmave.

Nëse ministritë e linjës apo institucionet e tjera shtetërore (si QSUT, apo Autoriteti i Rrugëve) nuk u lëvrojnë detyrimet e prapambetura bizneseve brenda 10 ditësh, pasi paratë kanë kaluar nga Ministria e Financave në Thesar, atëhere ato do të rrezikojnë që t’u bllokohen shpenzimet e tyre. Urdhri është firmosur dje nga Ministri i Financave dhe do t’u dërgohet ministrive të linjës dhe institucioneve të tjera përkatëse.
Lajmi është bërë i ditur nga vetë ministri i Financave Shkëlqim Cani gjatë mbledhjes së grupit të konsulencës pranë tij, që u zhvillua dje pasdite.

Ky vendim, që duket si tepër ekstrem, është marrë për të shmangur vonesat që po konstatohen nga ministritë e linjës për t’u kaluar bizneseve detyrimet e prapambetura, në bazë të strategjisë së qeverisë për shlyerjen e bizneseve të prapambetura.

Sipas burimeve nga Financat, në momentin që fondet kalojnë në Thesar, kjo do të thotë që janë kryer të gjitha verifikimet e duhura dhe paratë janë gati për t’iu kaluar bizneseve, ndaj dhe vonesat nga ministritë e linjës apo institucionet e tjera qeveritare (me të cilat biznesi ka pasur kontratat përkatëse të punëve të kryera publike) ishin të pajustifikueshme dhe deri diku u krijua një situatë paradoksale, ku biznesi nuk po arrinte të merrte paratë e veta.

Problemi tjetër, ai i detyrimeve që mund të kenë bizneset ndaj shtetit, është zgjidhur që më parë përmes llogarisë së posaçme, që bizneset hapin në bankë. Sipas Canit, deri tani, shuma e detyrimeve të prapambetura të kthyera ka arritur në rreth 240 milionë dollarë. Nga kjo rreth 100 milionë dollarë janë netime të detyrimeve të energjisë dhe pagesa të kryera në dhjetor 2013 (ndihmë ekonomike , pagesa detyrimesh etj), ndërsa 140 milionë të tjera janë pagesa për biznesin të kryera këtë vit.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Afera Partizani/ Iu refuzua shfuqizimi i masës së sigurisë, Kushtetuesja zbardh vendimin për Jamarbër Malltezin

Afera Partizani/ Iu refuzua shfuqizimi i masës së sigurisë, Kushtetuesja zbardh vendimin për Jamarbër Malltezin

15 Janar, 18:50