Vetëm një grek e bir greku thotë se Bubulina është greke, komenton një nga miqtë përfund postimit tim të djeshëm.
Në fakt unë vetndihem shqiptar e bir shqiptari dhe jam krenar për këtë. Mëndja ma do që po kaq krenar, në mos edhe më shumë, do të ndihesha po të isha grek, bashkëatdhetar i Sokratit, Platonit e Eskilit, i Kazanzaqit, Kavafit , Teodoraqit etj. etj.
Po megjithëse vetndihem shqiptar nuk e quaj sakrilegj të them se Bubulina është greke me origjinë arbërore.
Vë re se disa nga komentuesit kanë koncept gjithsesi të diskutueshëm për përkatësinë etnike e kombëtare, e shohin si të bërë vetëm nga mëma e baba, nga origjina e të parëve. Parë kështu shqiptari mbetet shqiptar dhe vetëm shqiptar pavarësisht se në ç’vend rritet, në ç’instutucione formohet, me ç’kulturë brumoset, për cilën shoqëri e për cilin popull punon e përpiqet etj. etj.
Ndruaj se një konceptim i tillë i përkatësisë fqinjëron me racizminiz njerëzimit i ka kushtuar dhe vazhdon t’i kushtojë shumë.
Por ka edhe diçka tjetër, duke bërë tifo për përkatësinë e njerëzve të shquar që janë formuar e brumosur në vende të tjera dhe për të cilët shoqëria dhe institucionet tona nuk kanë investuar gjë, rrezikojmë t’i bëjmë keq vetes.
Jo vetëm se e ngopim krenarinë me lugë të zbrazur, por edhe nisim të flemë në dafina për të kaluarën e lavdishme e kështu të mos e vrasim dhe aq mendjen për gjendjen e mjerueshme në të cilën i kemi shtetin dhe instutucionet. Dhe kështu, të yshtur pas tifozllëqesh për të djeshmen, harrojmë të sotmen e dëmtojmë të nesërmen.
( Nga cikli ‘Katakombet e kombit’ )
Marrë nga postimi në facebook
Komente
Lajme të tjera
-
Çapajev Gjokutaj: Vdis të të çmoj
21 Shtator, 12:07
-
Mund të fitosh shumë beteja, por jo atë me pleqërinë
13 Korrik, 18:52
-
Për Bubulinën, apo për heroinën?
21 Maj, 20:11
-
Auron Tare: Mos ma prekni Bubulinën” (Mbi debatin Vehbiu-Kocollari)
20 Maj, 21:13
-
Ardian Vehbiu: Mos ma prek Bubulinë
15 Maj, 20:29
-
Ardian Vehbiu: Ka qenë apo jo Bubulina, heroina e Revolucionit grek, shqiptare
14 Maj, 12:21
-
Çapajev Gjokutaj: Jemi më të lirë apo më të vetmuar?
26 Mars, 19:07
-
Pse skandalet korruptive nuk ngjallin sensasionin që ngjall seksi në zyrat e shtetit?
17 Qershor 2023, 11:57
-
Vrasjet masive, këmbanat që ranë në Beograd kërkojnë veshë edhe tek ne
8 Maj 2023, 22:58
-
Çun Lajçi kujton të bijën: S’rreshta t'u ardh me puth gurin tënd! S’të kam shkruar se më ka gërryer vetmia
3 Maj 2023, 08:21 -
E goditi ngaqë kështu ia tha koka, jo, e urdhëroi 'Ed Drama'! As njëra, as tjetra, e goditën analistët…
9 Dhjetor 2022, 20:58
-
Drejtësi apo shpagim për Mateon?
19 Nëntor 2021, 09:39
Një artikull i goditur bukur. Respekt. Me nderime Profesor Hajdar Rexhep Leka [ Reksi]
PërgjigjuUn Profesor Doktor Rexhep Leka them se çdo Shqiptar kudo qê lind duhet të ndihet Shqiptar. Un kam 3 nënshtetësi atë Amerikane, Gjermane, Italjane dhe Shqiptaren. Po un ndihem Shqiptar i vërtet.
PërgjigjuZbërthim i mirë e pa emocione. Duhesh me i dhanë vetes detyrë me trajtu tema të tilla. Po harrojmë se me punë të organizume kemi kriju dallime nga shtazët tjera. Ti kthejmë sytë kah vetja sepse: - organet shtetrore(primitive) të korruptuara - arsimi në nivele të ulëta - biznesest(bashkë me pushtetin lokal e qëndror) bajnë masaker te rinija me rroga mjerane - largimi i finisë për një jetë normale - siguria(me këto qeveri) e rëndë - subvencionet e ndihmat e tjera në bujqësi i jepen ati që blen veturë e unaza të shtrejta. - kontrolli i kualitetit të ushqimit nuk vërehet që ndodhë etj.etj.etj
PërgjigjuNje opinion teper korrekt i nderuar. Por populli shqiptar duket i mpire per te degjuar. Degradim i plote shoqeror dhe dominance e mendimit obskurantist mesjetar otoman.
PërgjigjuPergezime per mendjen e fjalën normale ne nje komb qe ka lajthitur duke u marre me injoranca e budalleqe dhe duke reshkitur keshtu cdo dite e me teper ne zhdukjen absolute.
Përgjigju