POP 5

Lajmet më të lexuara të 5 minutave të fundit

Kultura

‘Carmina Burana’, 200 artistë spektakël për dy net në Opera! Dashuria triumfon në shfaqjen e rivënë nga Youri Vamos pas 9 vitesh

U rikthye në Teatrin e Operas pas 9 vitesh propozimi i hungarezit të njohur Youri Vamos për operan balet ‘Carmina Burana’.  Për dy net këtë fundjavë u ngjitën në skenë 200 artistë

Një nga veprat e para klasike në historinë e muzikës, opera balet e Carl Off “Carmina Burana” bëri bashkë këtë fundjavë në Teatrin e Operas 200 artistë. Koreografi hungarez Youri Vamos e rivendos pas 9 vitesh në skenën e në Teatrin e Operas, me energjinë e artistëve të rinj dhe skenën e rinovuar.

Balerinët protagonistë të dy mbrëmjeve ishin Adela dhe Anxhelo Muçollari, si dhe Odeta Dishnica.

Dashuria, dialogu burrë-grua, gërshetohen me fatin e lojën. Vamos ia servir publikut, triumfin e ndjenjës ndaj veseve, egos e arrogancës, përmes elementëve sensualë, sarkazmës e misticizmit.

Solistët, Trupa e Baletit, Orkestra, Kori dhe Formacioni Vokal i Forcave të Armatosura, rrëfyen përmes lëvizjeve e muzikës, raportin e individit me ligjet e natyrës… Dështimin e destinuar, të atyre që i kundërvihen.

Muzika që kompozitori gjerman shkroi 9 dekada më parë, u frymëzua nga përmbledhja e 24 poemave me të njëjtin emër, pjesë e një dorëshkrimi ‘të guximshëm’ mesjetar të shekullit të XII-të. Vamos ruajti konceptin original, ku prologu, pjesët e finalja, erdhën përmes një fryme moderne.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56