CAS,Rusia përjashtohet
nga Lojërat Paraolimpike

Rusia nuk do të ketë mundësi të garojë në Lojërat Paraolimpike “Rio 2016”, që zhvillohen në Brazil më datat 7-18 gusht. Kjo është Olimpiada e personave me aftësi të kufizuara dhe Rusia nuk do të ketë mundësi të garojë, pasi është përjashtuar nga Komiteti Olimpik Ndërkombëtar (IOC).

Shkak është bërë dopingu që ka pushtuar sportin rus dhe ku viktimë kanë rënë edhe paraolimpikët. Edhe Gjykata e Arbitrazhit Sportiv në Lozanë (CAS) e ka hedhur poshtë kërkesën e apelimit që kishte bërë Komiteti Olimpik Rus, duke lënë kështu jashtë “Rio 2016” 267 sportistë paraolimpikë rusë.

Reagimi i Rusisë ka arritur deri në nivelin e kryeministrit, Dmitry Medvedev. Duke komentuar atë, ai e quajti 80 përqind një vendim politik dhe cinik për të gjithë atletët paralimikë të botës. “Bëhet fjalë për një vendim të përzier dhe të pështirë, ku 80 përqind arsyet janë politike dhe vetëm 20 përqind për shkak të dopingut. Ky është një vendim i rëndë, një goditje e madhe që i bëhet një shteti.

Nuk përjashtohen vetëm sportistët paraolimpikë rusë, por edhe ata botërore, pasi është një goditje e rëndë ndaj këtyre personave. Disa persona nuk na duan dhe kjo është një ditë e trishtueshme”, ka thënë kryeministri rus Medvedev pas vendimit të CAS. Rusia akuzon federatat ndërkombëtare sportive dhe gjykatat për ndjekjen e një strategjie kundër sportit rus.

Nëse në Lojërat olimpike “Rio 2016” që u mbyllën ditën e diel u përjashtua vetëm atletika ruse dhe disa sportistë nga disiplina të veçanta, në Lojërat Paraolimpike do të mungojë e gjithë Rusia. CAS i Lozanës ka bërë me dije se vendimi i marrë për të përjashtuar paraolimpikët rusë është i drejtë.
 
Vendimi
Edhe Gjykata e Arbitrazhit Sportiv në Lozanë (CAS) e ka hedhur poshtë kërkesën e apelimit që kishte bërë Komiteti Olimpik Rus, duke lënë kështu jashtë “Rio 2016” 267 sportistë paraolimpikë ruse
 
Medvedev
Reagimi i Rusisë ka arritur deri në nivelin e kryeministrit, Dmitry Medvedev. Duke komentuar atë, ai e quajti 80 përqind një vendim politik dhe cinik për të gjithë atletët paralimikë të botës

Redaksia Online
(M.Ç/shqiptarja.com)