Kapiteni i kombëtares spanjolle dhe Realit të Madridit, Iker Casillas mendon se eliminimi i "Blancos" nga Champions League, pas dy ndeshjeve ndaj Bayern, e ka bërë më të fortë ekipin, dhe do ti forcojë më shumë në sezonin që vjen.

Iker Casillas mendon se dalja në fazën gjysmëfinale do të jetë një benefit afatgjatë për galaktikët. "Cfarë ndodhi në Champions League ndaj Bayern ishte nëj turp, por kjo do të na bëjë ne më të fortë. Duhet të shohim nëse do të kemi fatin pro në sezonin tjetër" tha Casillas për sitin e Realit.

"Gjërat në sezonin tjetër nuk do të jenë të lehta por ne kemi një ekip të ri dhe ambicioz. Ne kemi fituar numrat e një skuadre vërtet të madhe dhe në pjesën e dytë në La Liga nuk humbëm asnjë ndeshje" tha Casillas. (rb/shqiptarja.com)