Portieri spanjoll Iker Casillas ka thyer rekord të ri në futboll. Kampioni i Botës dhe Evropës me Spanjën, ka regjistruar rekordin pas fitores në miqësoren me Korenë e Jugut. Casillas u inkuadrua në lojë në minutën e 81 të ndeshjes miqësore, por që i mjaftuan pak minuta lojë për të thyer rekordin.

Në këtë mënyrë Iker Casillas bëhet lojtari me më së shumti fitore në më pak ndeshje me 1 kombëtare. Në 130 ndeshje, Casillas me Spanjën ka fituar 95 ndeshje, rekord të cilin askush nuk e kishe arritur.

Rekordin deri tani e mbante egjiptiani Ahmed Hassan i cili kishte arritur 94 fitore me Egjiptin ndërsa edhe Liliam Thuram kishte arritur 95 fitore por vetëm nga 142 ndeshje me Francën. Por Casillas pritet ta shtojë numrin e fitoreve para dhe pas Euro 2012. (rb/shqiptarja.com)