Çfarë do të jetë receta
elektronike dhe karta e shëndetit

TIRANE- Ministria e Shëndetësisë ka prezantuar disa nga arritjet teknologjike në fushën e shëndetësisë, midis tyre recetën elektronike dhe kartën e shëndetit. Receta elektronike e lejon mjekun të krijojë dhe të transmetojë në mënyrë elektronike një recetë si dhe farmacistin të ekzekutojë në mënyrë elektronike recetën. Ky është një projekt pilot që do të nisë në 18 Qendrat Shëndetësore të Durrësit dhe në 80 farmaci. Karta e shëndetit zëvendëson librezën e shëndetit. Ja 9 pyetjet që shpjegojnë se çfarë është receta elektronike dhe karta e shëndetit
 
Cilat janë avantazhet e recetës elektronike?
Sipas Ministrisë së Shëndetësisë receta elektronike rrit saktësinë në përcaktimin e barnave duke ndikuar në mënyrë të drejtpërdrejtë në rritjen e cilësisë dhe të kosto-efektivitetit ne trajtimin e pacientëve. Ul mundësinë e dhënies së gabuar të barnave për pacientët dhe mundëson ndërtimin e një sistemi alert në rastet e përshkrimit jo te sakte të barit, duke u mbështetur tek udherrefyesit dhe protokollet përkatese te miratuara.