POP 5

Lajmet më të lexuara të 5 minutave të fundit

Ekonomi

Çfarë parashikon buxheti 2014
dhe paketa e re fiskale

Kjo paketë fiskale parashikon një sërë masash, nëpërmjet të cilave do të sigurohet rritje e të ardhurave nga tatimet dhe doganat me rreth 21.7 mliardë lekë
Çfarë parashikon buxheti 2014<br />dhe paketa e re fiskale
TIRANE- Kuvendi miratoi në parim, pas një seance maratonë që zgjati më shumë se 24 orë Paketën fiskale për vitin 2014 dhe pr/buxhetin 2014. Pr/Buxheti u miratua me 79 vota pro dhe 37 kundër dhe asnjë abstenim.

CFARE PARASHIKON BUXHETI 2014
Buxheti, sipas ministrit të Financave Shkëlqim Cani sjell realizëm, disiplinë të fortë fiskale dhe buxhetore, ndryshim mentaliteti në përdorimin e fondeve publike, përgjegjësi dhe transparencë. Ky buxhet, sipas ministrit Cani, ka rritje prej 14.5 % kundrejt atij të 2013-ës.Në ligjin e buxhetit të vitit 2014 përcaktohet që :
Buxheti për vitin 2014 është:
Të ardhurat 363. 966 milionë lekë;
Shpenzimet 455. 566 milionë lekë;
Deficiti 91 600 milionë lekë.

CFARE PARASHIKON PAKETA FISKALE
Paketa e re fiskale e hartuar nga qeveria synon balancimin e trinomit midis shtetit, biznesit dhe individit.

     Ministria e Financave parashikon rritje të të ardhurave për vitin 2014, që do të gjenerohen përmes një reforme fiskale, përmes paketës së re për ndryshimin e një sërë tatimesh dhe taksash kombëtare e vendore, ku synohet balancimi i trinomit të interesave midis shtetit, biznesit dhe individit, përmes forcimit të disiplinës fiskale, konsolidimit të administratës tatimore, ndryshimit të mentalitetit dhe rritjes së përgjegjshmërisë në përdorimin e fondeve publike, si dhe uljes së nivelit të borxhit publik. 

     Kjo paketë fiskale parashikon një sërë masash, nëpërmjet të cilave do të sigurohet rritje e të ardhurave nga tatimet dhe doganat me rreth 21.7 mliardë lekë . Në këto të fundit do të ndikojë edhe angazhimi i "Crown Agents" në doganat shqiptare.

     Mbështetur në sygjerimet e FMN-së, masat fiskale do të jenë të moderuara që të mos preket rritja ekonomike. FMN sugjeron që programi për këtë çështje të jetë elastik kur ekonomia shfaqet më e dobët, objektivat fiskale të zbuten, nëse ekonomia ecë më shpejt, objektivat fiskale rriten. FMN dhe qeveria ranë dakord që baza tatimore të zgjerohet dhe masat fiskale të jenë të drejta duke i trajtuar të gjithë tatimpaguesit njëlloj.

     Disa prej masave që do të ndërmerren në kuadër të paketës së re fiskale janë: ndryshohet norma e fitimit mbi të ardhurat personale nga punësimi, duke kaluar nga taksa e sheshtë prej 10 % për pagat mbi 30 mijë lekë në taksën progresive. Nëpërmjet kësaj mase mundësohet që 56 % e të punësuarve do të vazhdojnë të mos e papaguajë tatimin mbi të ardhurat personale,. 41 % e të punësuarve me pagë nga 30 - 130 mijë lekë do të paguajnë 13 % tatim, por do të subvencionohen nga shteti në një shumë totale prej 1.5 miliardë lekë.

     Rritja e shkallës tatimore do të bëhet vetëm me 2.8 % e të punësuarve, me pagë mbi 130 mijë kekë. Norma e fitimit mbi të ardhurat personale për këtë kategori është 13 mijë lekë.

     Nga zbatimi i kësaj mase do të sigurohet mbështeja e shtresave në nevojë dhe e shtresave të mesme të popullsisë si dhe zbatimi i parimit 'kush fiton më shumë paguan më shumë'. Të gjitha kategoritë e shtresave në nevojë do të marrin subvencion në masën 10 % të TVSH-së, së paguar për produktet bazë të shportës së mallrave në shumën 1.1 miliarë lekë.

     Fermerët do të kompensohen në masën 20 % për vlerën e shtuar të paguar për inputet bujqësore.

     Rritja nga 10-15 % e shkallë së tatimit mbi fitimin për bizneset do të kompesohet me përmirësimin e administrimit tatimor. Pacientet do të përfitojnë prej përjashtimi nga tvsh prej 10 % e barnave dhe e shërbimeve shëndetësore. Kjo masë do të shoqërohet me një refomë të plotë të sistemit shëndetësor në vendin tonë.

     73 mijë të vetëpunësuar nga data 1 janar 2015 do të paguajnë më pak kontribute shëndetësore. 60 mijë biznese të vogla duke filluar nga data 1 janar 2014 nuk do të paujanë me taskën e biznesit të vogël. Hiqen përjashtimet nga disa taksa në sektorin e hidrokarbureve të vendosura prej 20 vitesh me efekte të vogla në buxhet.

Ristrukturohet taksa vendore për biznesin e vogël duke shfuqizuar si taske vendore dhe duke e trajtuar si tatim mbi fitimin në masën 7.5 %. Kjo masë përfshin subjektet e biznesit të vogël me xhiro vjetore nga 2-8 milionë lekë të cilat përfitojnë reduktim të nivelit të taskës. Rritet niveli për disa taksa si akciza për cigaret, produktet e duhanit pijet alkoolike. Ndryshohet struktura e taksimit të birrës. Rritet taska e qarkullimit për benzinën dhe gazoilin duke i përafruar me nivelet e rajonit dhe duke ndjekur politika në mbrojtje të mjedisit.

 Krahas ndikimi të paketës fiskale rritja e të ardhurave për vitin e ardhshëm mbeshtetet edhe në poltikat për përmirësimin e administrimit tatimor, uljen e shkallës së evazonit fiskal dhe informalitetit.

Redaksia online
(atsh/sg/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04