POP 5

Lajmet më të lexuara të 5 minutave të fundit

Ekonomi

Çfarë parashikon ligji, Tatimet do të
fshijnë automatikisht detyrimet

Me këtë nismë ligjore, mazhoranca synon faljen e gjobave të vendosura si pjesë e detyrimit tatimor nga administrata tatimore e mëparshme ndaj tatimpaguesve, të cilat janë kontabilizuar në regjistrat tatimorë në mënyrë abuzive gjatë periudhës 1 mars-31 gusht 2013.
TIRANE- Me këtë nismë ligjore, mazhoranca synon faljen e gjobave të vendosura si pjesë e detyrimit tatimor nga administrata tatimore e mëparshme ndaj tatimpaguesve, të cilat janë kontabilizuar në regjistrat tatimorë në mënyrë abuzive gjatë periudhës 1 mars-31 gusht 2013. Kështu synohet jo vetëm të vihet në vend ligjshmëria, por tatimpaguesve t’u krijohet një situatë e re në bërjen e biznesit, duke i dhënë hapësirën e duhur veprimtarisë që ushtrojnë në Shqipëri.

Nisma mendohet se do të ndihmojë në përmirësimin e klimës së biznesit dhe në rritjen e likuiditetit për subjekte të ndryshme tregtare private.

Nuk parashikohet falja e detyrimeve tatimore të krijuara nga subjektet gjatë periudhës 1 mars 2013 e deri më 1 gusht 2013. Pagesa e tatimeve të këtij lloji do të zbatohet sipas përcaktimit të legjislacionit që rregullon pagesën e tatimeve, pasi nuk ka të bëjë me veprime abuzime nga tatimorët, por me detyrim të përcaktuar më ligjin për procedurat tatimore.

Qeveria e ndërmori nismën për faljen e gjobave të vendosura nga administrata tatimore për periudhën nga 1 marsi 2013 deri më 31 gusht 2013, për të shmangur gjobat me karakter politik që mund të ishin vënë gjatë periudhës në fjalë nga qeveria e mëparshme, pas ankesave të shumta në këtë drejtim.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50