POP 5

Lajmet më të lexuara të 5 minutave të fundit

Ekonomi

Çekia zyrtare nis hetimet për
investimet e CEZ në Shqipëri

Çekia ka nisur hetimet në lidhje me investimet e kompanisë energjetike CEZ në Shqipëri, pas heqjes së licencës nga qeveria shqiptare. Policia çeke kundër Korrupsionit po heton marrëveshjet e CEZ GROUP.
Çekia zyrtare nis hetimet për <br />investimet e CEZ në Shqipëri
ÇEKI - Çekia ka nisur hetimet në lidhje me investimet e kompanisë energjetike CEZ në Shqipëri, pas heqjes së licencës nga qeveria shqiptare. Lajmi është bërë publik në agjencinë Reuters e cila shkruan se policia çeke kundër Korrupsionit po heton marrëveshjet e CEZ GROUP e një ndër to është edhe investimi i kësaj kompanie në Shqipëri.

Zëdhënësja e CEZ Group, Barbora Pulpanova ka deklaruar për Reuters se prej një viti policia çeke kishte nisur të mblidhte informacione për investimet e kompanisë energjetike në Shqipëri.

“Ne vazhdimisht i kemi dhënë informacionet e nevojshme policisë”, tha Pulpanova, duke qenë e rezervuar për detaje të mëtejshme. I njëjti qëndrim është mbajtur edhe nga policia Antikorrupsion dhe ajo Bashkiake, shkruan Reuters, të cilat gjithashtu nuk kanë pranuar të komentojnë në lidhje me lajmin.

Në hetimin e 4 marrëveshjeve të kompanisë CEZ përfshihet edhe shitja e 50 % të aksioneve të minierës së qymyrit në Gjermani, Mibrag si dhe marrëveshja për furnizimin e magazinave në impiantin e energjisë bërthamore Temelin, të fokusuara në shkelje të mundshme të ligjeve të prokurimit. Shkrimi origjinal

CEZ: HUMBJET NE SHQIPERI, SEPSE BLEME ENERGJI ME CMIM DYFISH
Grupi energjetik ÇEZ, që nga viti 2005, kohë kur ka filluar zgjerimin në tregjet e huaja, ka investuar rreth 2.8 miliardë euro dhe nga të gjitha vendet pret përfitime, me përjashtim të Shqipërisë. Lajmi publikohet në gazetën e Pragës “Monitor”, e cila citon zëdhënësen e ÇEZ, Barbora Pulpanova.

 “Investimet e huaja të ÇEZ përbëjnë rreth 1/5 e totalit të investimeve të firmës që nga viti 2005, tha ajo. Në bazë të të dhënave, kthimi i përgjithshëm mbi investimet e huaja ka arritur në 71% . Por ÇEZ ka probleme të mëdha me veprimtarinë në Shqipëri. Autoritetet shqiptare i hoqën licencën kompanisë çeke për shpërndarjen e energjisë elektrike duke bërë që ÇEZ-i mëmë të humbasë kontrollin mbi firmën e saj në Shqipëri”.
 
Në vitin 2009, ÇEZ bleu 76% të kompanisë shqiptare ÇEZ Shpërndarje për shumën 102 milionë euro. Në vitin 2010 dhe 2011, firma shqiptare pati një pasqyrë pozitive, por vitin e kaluar ajo u zhyt në humbje. Sipas ÇEZ-it, humbja ishte për shkak të një rritjeje dyfish të çmimeve në blerjen e energjisë elektrike e cila, nga autoritetet vendore nuk u lejua të pasqyrohet në çmimin final të energjisë elektrike.

Këtë vit, ÇEZ-it iu hoq licenca, ndërkohë që u caktua një administrator shteti në krye të ÇEZ Shpërndarje. ÇEZ-i ka ndërmarrë hapa për të përgatitur një arbitrazh kundër shtetit shqiptar mbi dëmet, si pasojë e investimeve të dështuara, që llogaritet në shumën 5 miliardë korona çeke.

Redaksia Online
(ar.sh/Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Vrasja e Martinit/ PD kërkon interpelancë me Manastirliun: Ngjarje e paralajmëruar, Paketa e Sigurisë propagandë

Vrasja e Martinit/ PD kërkon interpelancë me Manastirliun: Ngjarje e paralajmëruar, Paketa e Sigurisë propagandë

26 Nëntor, 15:34