TIRANË - Për herë të parë në Shqipëri hapet ekspozita e instrumenteve të vjetër ose e veglave popullore muzikore siç i quan populli, në Muzeun Historik Kombëtar nga koleksionisti Mark Luli pas një pune 40 vjeçare për mbledhjen e tyre. 
Në ditën Kombëtare të Trashëgimisë Kulturore,  Muzeu Kombëtar është kthyer në një skenë të vogël artistike ku u interpretuan lojëra,këngë e valle popullore të luginave të ndryshme nga nje grup i vogël muzikor i krijuar po nga koleksionisti Mark Luli.
 
 
Ministria e Kulturës dhe veçanërisht Ministrja Kumbaro , ka dhënë kontributin dhe mbështetjen e saj që të gjitha këto instrumente të kenë mundësi të ekspozohen për publikun.
 
Gjatë fjalës së saj Ministrja Kumbaro në hapjen e kësaj ekspozite të rrallë në Shqipëri, theksoi se çdo ditë do t’i kushtohet rëndësi trashëgimisë kulturore dhe se për këtë do të organizohen  aktivitete të ndryshme.
 
Redaksia Online
(a.h/shqiptarja.com)