Celibashi: Në shkollën ‘Betim Muço’ në Tiranë grumbullime të shumta! Në 144 qendra votimi identifikimi po bëhet në mënyrë manuale

Kreu i KQZ-së Ilirjan Celibashi teksa ka bërë një tablo të situatës së deritanishme se si po ecën procesi i votimit, tha se aktualisht janë 144 qendra votimi në të cilat identifikimi po bëhet në mënyrë manuale. Në shkollën ‘Betim Muço’ në Tiranë ai tha se ka pasur grumbullime të shumta.

“Aktualisht janë 144 qendra votimi në të cilat identifikimi po bëhet në mënyrë manuale, spo përdoret paisja elektronike. 83 qendra votimi janë duke e zhvilluar këtë proces sepse nuk janë paraqitur operatorët. Pjesa tjetër në total 144 sepse kanë patur probleme me paisjen. Në disa raste komisioni i qendrës së votimit nuk ka pritur këshillimin e ka kaluar në identifikimin manual. Ka raste sporadike pezullim të përkohshëm. Ka dhe problematika të tjera kryesisht konflikte ndër mjet anëtarëve të komisionit. Të gjitha këto konflikte në pjesën  më të madhe kanë qenë në kuadër të karakterit të administrimit zgjedhor. Kemi patur sinjalizm që në shkollën betim muço ka patur një grumbullim njerëzish edhe në ambientet e brendshme të shkollës gjë që është e palejueshme”, shtoi Celibashi.

Lajmi kryesor:

Celibashi: Pjesëmarrja në votime deri tani 48.2%! Votimi i qetë, shqetësimet të karakterit teknik! Liderët të mos shpallin fitore para kohe, rezultati del për 48 orë

TAG:
• kqz
• Drilona Hoxhaj
• ilirjan celibashi
• zgjedhjet parlamentare 2021
• Sot Shqiperia voton