Celibashi: Pjesëmarrja në votim deri tani është 48.2%

 

Komisioneri Shtetëror i Zgjedhjeve, Ilirjan Celibashi ka bërë me dije se pjesëmarrja në këto votime është 48.2%.

“Ka filluar procesi i numërimit në Pustec dhe ndërkohë është në përfundim procesi i dorëzimit të materialeve zgjedhore në vendet e numërimit të votave, KQZ po e ndjek këtë proces, procesi i transportit nga KQZ në KZQZ është në përputhje me procedurat, sa i përket pjesëmarrjes sipas të dhënave të sonduara 48.2%. Natyrshëm që rezultatin zyrtar do e kemi pasi të marrim informacionin nga të gjithë Qendrat e Votimit. Pajisja të funksiononte ofline, nuk kishte mundësi për të transmetuar direkt rezultatin e pjesëmarrjes, kështu kanë rënë dakord partitë. KQZ i ka dhënë të gjitha informacionet në kohë reale, dhe nuk ka munguar transparenca nga ana jonë”, tha Celibashi.

LEXO EDHE:
Celibashi diskuton me përfaqësues të ODIHR për auditimin e teknologjive në zgjedhje: Vendosëm piketat për bashkëpunim të ngushtë teknik

Ai ka bërë me dije se procesi i numërimit do të vijojë gjatë natës.

“Procesi i numërimit do të vijojë edhe gjatë natës, nuk ka asnjë arsye që të ndërpritet se janë të gjitha masat dhe pengesa, vetëm nëse do jenë arsye subjektive”, shtoi ai.

Lajmi kryesor:

Celibashi: Pjesëmarrja në votime deri tani 48.2%! Votimi i qetë, shqetësimet të karakterit teknik! Liderët të mos shpallin fitore para kohe, rezultati del për 48 orë

B.K./r.k./Shqiptarja.com

TAG:
• kqz
• Drilona Hoxhaj
• ilirjan celibashi
• zgjedhjet parlamentare 2021
• Sot Shqiperia voton