POP 5

Lajmet më të lexuara të 5 minutave të fundit

Politikë

Lajme nga emisionet

Çelja e negociatave, Felaj në Report Tv: Do të detyrohemi të përshtasim legjislacionin tonë me atë europian

“Nis një tjetër rrugëtim që do të na detyrojë të përshtasim komplet legjislacionin tonë me legjislacionin europian”, tha nënkryetarja e Kuvendit, Ermonela Felaj pasi më në fund kanë nisur bisedimet zyrtare në tryezë me Bashkimin Europian.

“Nis një tjetër rrugëtim që do të na detyrojë të përshtasim komplet legjislacionin tonë me legjislacionin europian”, tha nënkryetarja e Kuvendit, Ermonela Felaj pasi më në fund kanë nisur bisedimet zyrtare në tryezë me Bashkimin Europian.

Në një intervistë për Report Tv në emisionin “Studio Live” nga Arbër Hitaj, u përmend dhe kushti për reformën në drejtësi, për të cilën Felaj tha se u kuptua se çfarë po ndodh në drejtësi pasi javën e kaluar u dëgjuan në Kuvend të gjithë krerët e organeve të drejtësisë.

“Nis një tjetër rrugëtim që do të na detyrojë të përshtasim komplet legjislacionin tonë me legjislacionin europian, por kjo jo vetëm në formë, por edhe në përmbajtje e sjellje. Kjo është rruga e duhur e europianizimit. Ka qenë kusht drejtësia, reforma në drejtësi posacërisht. Është bërë shumë cka dhe nuk mund të mohohen frytet e drejtësisë. Jo më larg se java e kaluar diskutuam me të gjithë krerët e organeve të drejtësisë dhe ishte mundësia më e mirë që parlamenti të kuptojë se cfarë po ndodh në drejtësi.  E gjitha duket në rrugën e duhur dhe ka një tjetër qëndrim nga parlamenti dhe qeveria për instrumenta të rinj ligjvënës, të cilët do të shërbejnë për zgjidhjen e problematikave të caktuara”, tha Felaj.

Sa i përket bojkotit të avokatëve që kundërhstojnë hartën e re gjyqësore, Felaj thotë se është kundër. Teksa kujton dëgjesën që u mbajt në Komisionin e Ligjeve, u shpreh se nuk u soll asnjë  asnjë argument që të vinte në dyshim moszbatimin e kritereve që parashikon ligji.

“Harta aktuale nuk mund të qëndrojë se këtë e thotë ligji. Ndaj lindi nevoja e përcaktimit të rretheve të reja gjyqësore sipas kritereve të ligjit. Edhe gjatë dëgjesës nuk u soll asnjë argument që të vinte në dyshim moszbatimin e kritereve që parashikon ligji ose zbatimin e ndonjë kriteri i cili do ishte diskrecion i ministrit apo i KLGJ dhe jo i ligjit. Besoj se është zgjidhje e duhur. Qëndrimet e bojkotit të seancave gjyqësore nuk janë qëndrimet që na duhen. Bojkoti nuk ka rezultuar asnjëherë pozitiv”, tha Felaj.

Aktualisht Shqipëria ka 6 apele në të gjithë vendin dhe reduktohet në një Apel kombëtar ndërsa 13 do të jetë numri i gjykatave të shkallës së parë nga 22 që është aktualisht. Me vendimin e ri të KLGJ për hartën e re gjyqësore shkrihen gjykatat në Tropojë, Krujë, Lushnje, Pogradec, Mat, Përmet, Kurbin, Kavajë, Pukë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

26 Dhjetor, 07:53