POP 5

Lajmet më të lexuara të 5 minutave të fundit

Politikë

Integrimi në BE/Rudina Hajdari dhe Mirela Kumbaro bashkë për të bindur francezët

Deputetja e opozitës së re, njëherazi edhe kryetare e Komisionit për Integrimin Europian, Rudina Hajdari së bashku me deputeten socialiste Mirela Kumbaro ndodhet në një vizitë zyrtare në Francë.

Integrimi në BE/Rudina Hajdari dhe Mirela Kumbaro bashkë për të bindur francezët

Deputetja e opozitës së re, njëherazi edhe kryetare e Komisionit për Integrimin Europian, Rudina Hajdari së bashku me deputeten socialiste Mirela Kumbaro ndodhen në një vizitë zyrtare në Francë. Mësohet se në fokus të kësaj vizite është integrimi i Shqipërisë, ku dy deputetet po lobojnë që të marrin mbështetjen e Francës për çeljen e negociatave.

Dy deputetet zhvilluan takime me grupin parlamentar të miqësisë Francë-Shqipëri, dhe kryetaren Hugette Tiegnat me Kryetaren e Komisionit për Europën të Asamblesë Nacionale, Sabine Thillaye,  me Kryetarin e Komisionit për Europën në Senatin francez, Jean Bizet,  por edhe me Drejtorin për Europen dhe per Ballkanin në Ministrinë e Jashtme të Francës, Christophe Parisot dhe Thomas Bertin.

Në një status në rrjetet sociale, Kumbaro shprehet se në takim u vu në pah progresi i Shqipërisë në realizimin e detyrave dhe vendosmërinë për të mos u ndalur në reformën në drejtësi.

"Nuk mund të mos shpreh kënaqësinë që në çdo takim doli në pah progresi i Shqipërisë në realizimin e detyrave që kemi marrë përsipër, sikurse dhe në vendosmërinë për të mos e ndalur reformën në drejtësi “mbresëlënëse” siç e quajtën ata, dhe unikale", shkruan Kumbaro.

Kumbaro thekson gjithashtu, se Franca është një partnere strategjike për Ballkanin, veçanërisht e Shqipërisë, duke konfirmuar mbështetjen.

"Të ndërgjegjshëm për temperaturat politike europiane në pritje të rezultateve të zgjedhjeve për Parlamentin Europian, e më pas të raportit final të Komisionit Europian, morëm sërish konfirmimin se Franca mbetet në të gjitha nivelet një partner strategjik i rëndësishëm për Ballkanin e posaçërisht për Shqipërinë dhe se perspektiva jonë është vetëm në BE, siç e konfirmoi Presidenti Macron ne Samitin e Berlinit.

Të ndjeshëm gjithashtu edhe ndaj problemeve të brendshme politike në vendet e BE e në Francë, - e kush nuk i ka- se gjithkush ka një rol për të luajtur që ekstremizmat dhe populizmi të mos dominojë skenat politike dhe të mos helmojë opinionin publik europian. Kjo është sfida më e madhe e Europës së Bashkuar sot e cila, duam apo s’duam ne, ndikon në vendimmarrjet politike të zgjerimit.

Ndërsa sfida jonë e radhës mbetet sigurimi i së drejtës së votës për çdo shqiptar në datën 30 qershor! Është e drejtë legjitime, në zgjedhje legjitime për një qeverisje vendore legjitime qe do të garantohet nga një qeveri legjitime e një parlament legjitim", shkruan Kumbaro.

Qershori është një muaj vendimtar për dhënien e vendimit, për këtë arsye të gjitha komisionet parlamentare, ministra, por edhe deputetët socialistë kanë nisur një proces lobimi për një vendimmarrje të qartë të Komisionit Europian për nisjen e negociatave.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Berat: 16/05/2019 15:08

    Iku mbaroi dhe kjo pune i bindem dhe francezet! Kush e ka radhen tani per te bindur?

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24