Censi i 2023-shit ka prodhuar të dhëna interesante dhe përsa i përket minoriteteve që jetojnë në vendin tonë. Nga 2 milionë e 402 mijë e 113 banorë në vendin tonë, 23 485 janë deklaruar minoritarë grekë. Sipas të dhënave të publikuara nga INSTAT, numri i grekëve është ulur krahasuar me vitin 2011, që kemi pasur 24 243 minoritarë grekë në vendin tonë.
Ndërkohë, po të krahasojmë të dhënat e Censit 2023 me atë të vitit 2011 vihet re një përgjysmim i maqedonasve. Sipas rezultateve të Censit 2023, kemi 2281 minoritarë maqedonas, ndërkohë që në 2011 janë deklaruar 5512 minoritarë maqedonas.
Për herë të parë është matur edhe minoriteti bullgar dhe boshnjak, respektivisht në shifrat 7057 bullgarë dhe 2963 boshnjakë. Por, kjo shifër e lartë e minoritetit bullgar krahasur me atë maqedonas, ka sjellë akuza për manipulim të të dhënave të Censit nga Partia Aleanca e Maqedonasve për Integrimin Europian (AMIE).
Në një deklaratë për mediat, kryetari Vasil Steriovski hedh akuza ndaj Bullgarisë se ka ushtruar presin ndaj komunitetit maqedonas që të deklarohen si bullgar me qëllim që të marrin pasaportë bullgare.
“Përpara fillimit të censusit por edhe gjatë censusit në zonën e Prespës, Gorës dhe Gollobordës ku jeton minoritet maqedonas, kanë ardhur përfaqësues të institucioneve bullgare të cilat kanë dhuruar ndihma të ndryshme por edhe kanë bërë propaganda banorët të deklarohen bullgar pasi do të pajiseshin me pasaporta bullgare.
Personat e komunitetit maqedonas, të cilat kanë aplikuar për pasaporta bullgare dhe janë në proces për marrjen e pasaportës si para fillimit të censusit ashtu edhe gjatë censusit po kontaktoheshin nga ambasada bullgare dhe nga ndërmjetësuesit e pasaportave të deklarohen bullgar në census përndryshe nuk do të marrin pasaportat. Në terren në zonat ku jetonte komuniteti maqedonas po bëheshe fushatë të deklarohen bullgarë dhe pasi të deklarohen do të kishin mundësi të marrin vërtetim nga bashkitë se janë deklaruar bullgarë dhe menjëherë do të merrnin pasaportën bullgare.
Shtetasit shqiptar kanë marrë pasaporta bullgare dhe kanë paguar mijëra euro për atë pasaportë sepse është pasaportë evropiane dhe jo se janë bullgarë dhe me atë pasaportë mund të shfrytëzojnë privilegjet e Bashkimit Evropian”, thotë ai në deklaratë.
Një tjetër mintoritet që ka pasur gjithnjë debat është ai grek, ku rezulton të ketë një ulje prej 758 personash. Po kështu rënie të ndjeshme kanë pësuar dhe arumunet. 2459 persona janë deklaruar si pjesë e minoritetit arumun, ndërkohë që në vitin 2011 janë deklaruar 8266.
Ndërsa egjiptianët dhe romët kanë njohur rritje. Konkretisht janë deklaruar: malazezë 511, egjiptianë 12 357, romë 9813, 3798 tjetër grup etno-kulturor, 77 grup etno-kulturor i përzier. 13 570 kanë preferuar të mos përgjigjen dhe për 134 451 nuk disponohen të dhënat.
Rezultatet e Censit 2023
Rezultatet e Censit 2011
Komente
Lajme të tjera
-
Censi 2023/ Tirana ka 598,176 banorë, rritet ndjeshëm popullsia në bashkitë me minoritet grek
1 Nëntor, 10:18 -
Sa të vjetra janë ndërtesat ku jetojnë shqiptarët? Dominojnë banesat e 1981-2000
20 Tetor, 07:45 -
Në Shqipëri ka 343 mijë beqarë nga mosha 25-59 vjeç, dominojnë meshkujt
3 Tetor, 20:05 -
Zaloshnja: 1.6 milionë këtu dhe 0.6 milionë jashtë vendit, të prirur për të votuar
26 Gusht, 19:21
-
Jugu vs Veriu, mes të rinjve e të moshuarve! Hasi dhe Kukësi me popullsinë më të re në moshë
25 Gusht, 07:48 -
Bizneset pa staf, shkak konkurrenca ndërkombëtare për punonjës të kualifikuar! BSH: Pagat të rriten në bazë produktiviteti
31 Korrik, 18:02
-
Rritet pabarazia/ 135 mijë familje pa shtëpi në pronësi, por Shqipëria ka dyfish më shumë banesa bosh!
29 Korrik, 17:31
-
Rezultatet e Censit/ Karamelo: E papranueshme! Arben Llalla: Minoriteti grek ka dal pak se ikin jashtë dhe nuk shumohen si shqiptarët
24 Korrik, 18:01 -
23 mijë grekë në Shqipëri, OMONIA: Refuzojmë të dhënat e Censit, mungesë transparence! Regjistrim i posaçëm për minoritarët
20 Korrik, 21:59 -
34 mijë të divorcuar/ 47-vjeçarja për Report Tv: U ndava prej dhunës, kam punuar 3 punë për të rritur djalin! Ish-bashkëshorti s’paguan detyrimet
13 Korrik, 16:16
-
80 mijë besimtarë katolikë më pak se në 2011, Kisha Katolike në dyshim për rezultatet e Censit 2023: Do të organizojmë vetë një regjistrim
8 Korrik, 13:05 -
Censi, Karabina: Rezultatet me vonesë, hije dyshimi mbi besueshmërinë
5 Korrik, 14:19
Po dhe ata greke se mos jane te gjithe prej verteti greke?! Nje pjese e mire jane /greke/pashaportash e pensionesh,ashtu sic mund te jene dhe nje pjese e bullgareve,/bullgare/ pashaportash.
Përgjigju