POP 5

Lajmet më të lexuara të 5 minutave të fundit

Sport

Çerekfinalet e Champions League/ Nisin përballjet e ‘titanëve’, Guardiola: Simeone është sulmues por s’e kuptoni

Manchester City-Atletico Madrid dhe Benfica-Liverpool janë dy ndeshjet e para çerelfinale të Champions League.

Çerekfinalet e Champions League/ Nisin përballjet e ‘titanëve’, Guardiola: Simeone është sulmues por s’e kuptoni

Foden i Manchester City majtas dhe Griezman i Atletico Madrid djathtas

Nis mbrëmjen e sotme faza çerekfinale e Champions League që vë përballë skuadrat më me emër në Europë. Këtë të martë vëmendja më e madhe do jetë te Manchester City-Atletico Madrid. Jo vetëm skuadrat, por kundër njëri-tjetrit vihen edhe Guardiola me Simeone-n, dy trajnerë të jashtëzakonshëm me filozofi të ndryshme loje.

Për anglezët të padisponueshëm janë Ëalker për shkak kartoni dhe Ruben Dias e Palmer si pasojë e dëmtimeve. Ndërkohë në kahun tjetër Atletico Madrid, që në fazën e kaluar eliminoi Manchester United, do duhet t’ia dalë pa Herrera-n, Gimenez dhe Yannick Carrasco.

Në konferencën zyrtare për shtyp Pep Guardiola deklaroi: “Fitimi i Champions League është padyshim qëllimi ynë. Nuk e di nëse do ia dalim, por tani për tani mund ti premtojmë tifozëve tanë se do të bëjmë më të mirën.” Guardiola u ndal edhe te loja e Simeone-s, për të cilin thuhet se mbrohet shumë: “Ka një përshtypje të gabuar për lojën e Atletico-s. Simeone bën një lojë më sulmuese sesa mendojnë njerëzit. Nuk dëshiron të rrezikojë në ndërtimin e lojës, por ka cilësi të madhe në fazën e sulmit.”

Ndërkohë Simeone ka thënë: “Manchester United ka karakteristika të tjera nga City. Këta janë të jashtëzakonshëm dhe kanë lojtarë më superiorë sesa ne. Për mua City dhe Bayern kanë lojtarët më të mirë në dispozicion, por ne duhet të marrim shembullin e Chelsea-s së sezonit të kaluar. Ishin grup.”

Sakaq po sonte në Portugali Benfica pasi eliminoi Ajax pret Liverpool-in, një skuadër tjetër pretendentë për fitimin e Champions League. Skuadra e Kloop përveçse është favorite në letër për këtë përballje nuk ka as edhe një mungesë për mbrëmjen e sotme.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Nga 1 shkurti punonjësit e OSSH që lexojnë matësit e energjisë do gjurmohen! Sistemi do verfikojë konsumatorët mbi 700 kWh, do shtohen 300 punonjës

Nga 1 shkurti punonjësit e OSSH që lexojnë matësit e energjisë do gjurmohen! Sistemi do verfikojë konsumatorët mbi 700 kWh, do shtohen 300 punonjës

22 Janar, 13:49