Si çdo vit në prag të Pashkës, besimtarët ortodoksë dhe banorët e Zvërnecit u mblodhën sot për të kremtuar të Premten e Zezë, duke marrë pjesë në ceremoninë e Epitafit.

Me përkushtim dhe devocion, qytetarët ndoqën procesionin tradicional, i cili shënon një nga momentet më të rëndësishme të kalendarit liturgjik ortodoks. Ceremonia u zhvillua në një atmosferë të qetë dhe solemne, ku besimtarët u lutën dhe nderuan këtë ditë të shenjtë.

Zvërneci edhe këtë vit u bë qendër e kësaj tradite shpirtërore, duke ruajtur vazhdimësinë e riteve dhe kulturës fetare që përcillet brez pas brezi.


Lajmi kryesor:

E premtja e Zezë/ Procesioni i Epitafit në Tiranë e rrethe, besimtarët lutje e mesazhe paqeje në vigjilje të Pashkës