POP 5

Lajmet më të lexuara të 5 minutave të fundit

Ekonomi

Certifikata dhe nënshkrimi elektronik s’do jepen me PPP, Qeveria shfuqizon VKM! Do të jepen nga AKSHI

Shërbimi i dhënies së certifikatës elektronike dhe nënshkrimit elektronik për bizneset nuk do të jepet me koncesion. Qeveria ka shfuqizuar vendimin e gushtit të vitit 2022, ku autorizonte Ministrinë e Financave për të bërë procedurat që këto shërbime t’i kalonin privatit. Pas këtij vendimi për tërheqje këto shërbime do vazhdojnë të ofron nga AKSHI, ndërkohë që nuk janë argumentuar shkaqet e kësaj vendimmarrje nga qeveria.

Tiranë-  Këshilli i Ministrave ka shfuqizuar vendimin e 8 gushtit të vitit 2022, që parashikonte dhënien me koncesionit të disa shërbimeve që i ofron AKSHI, si certifikata elektronike apo nënshkrimi elektronik për bizneset.

“Shfuqizimin e vendimit nr.581, datë 31.8.2022, të Këshillit të Ministrave, “Për përcaktimin e autoritetit kontraktor për të ndërmarrë procedurat për dhënien me koncesion/PPP për projektin “Për ofrimin e shërbimit të infrastrukturës së çelësave publikë (PKI)”, thuhet në vendimin e Këshillit të Ministrave të datës 20 dhjetor 2023, por pa dhënë argumente për shkakun e kësaj tërheqje.

Më pas u përfol që edhe pagesat dixhitale për shërbime të tjera publike që ofrohen nga AKSHI, do të bëheshin me pagesë, pra në rast se qytetarët do të merrnin një shërbim të caktuar nga e-Albania, do të duhet të paguanin një tarifë tek kompania private që do të merrte koncesionin.

Por me shfuqizimin e këtij vendimi, të gjitha shërbimet mbeten përgjegjësi e AKSHI-t, ku nënshkrimi elektronik dhe certifikata elektronike për fiskalizimin do të vijojnë të kenë të njëjtën tarifë për bizneset përkatësisht 4800 lekë dhe 4000 lekë.  

Për vitin e kaluar për këtë koncesion ishin vënë në dispozicion 208.8 milionë lekë, ndërsa për vitin 2024, për këtë projekt nuk janë parashikuar fonde në buxhetin e shtetit të miratuar tashmë edhe në Kuvend.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • P. Hajdini: 22/12/2023 22:43

    filloi largimi nga SKEMA.

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Lufta ndaj kriminalitetit ka nevojë për klimë normale politike, institucione të pavarura dhe guxim të reagimit të qytetarëve duke i refuzuar në masë si fenomene!

Lufta ndaj kriminalitetit ka nevojë për klimë normale politike, institucione të pavarura dhe guxim të reagimit të qytetarëve duke i refuzuar në masë si fenomene!

2 Nëntor, 15:05 nga Alban Daci