TIRANË - Laboratori i Agjencisë Kombëtare të Mjedisit është pajisur me Certifikatën e Akreditimit për kryerjen e analizave laboratorike në përputhje me S SH ISO / IEC 17025: 2006, në lidhje me shtatë parametrat bazë të analizimit të ujit natyror, ku përfshihen nitratet, nitritet, fosfatet, total fosfate, pH, NKO, NBO5.
Këtyre parametrave u janë shtuar edhe tre parametra të rinj, për të cilët është zgjeruar akreditimi, që janë konduktiviteti, lënda pezull dhe amoniaku.
Agjencia Kombëtare e Mjedisit siguron kështu të dhëna të sakta në sajë të analizave laboratorike tejet profesionale./ATSH/