TIRANË- Konferenca e kryetarëve ka miratuar kërkesën e 19 deputetëve për të zhvilluar mocion me debat në lidhje me çështjen e Charles McGonigal, ish-zyrtari i lartë i FBI-së tashmë nën akuzë nga SHBA se ka ndihmuar oligarkun rus, Oleg Deripaska, me qëllim që të hiqet nga lista e sanksioneve dhe mos deklarimin e 225 mijë dollarëve.
Kreu i grupit parlamentar, Taulant Balla u shpreh se janë të gatshëm për zhvillimin e një mocioni me debat, ndërsa sa i përket kohës ai tha se ende nuk është caktuar, por vetë ka propozuar që debati të zgjasë 12 orë.
Balla u shpreh po ashtu se kërkesa e opozitës për të zhvilluar një interpelancë me kryeministrin Edi Rama është ezauruar. Nga ana tjetër kreu i Grupit të PD, Enkelejd Alibeaj tha se mazhoranca nuk pranoi që ta zhvillojë interpelancën me Ramën të kërkuar javën e kaluar nga opozita për çështjen McGonogal dhe se në shkelje të rregullores ia delegoi Elisa Spiropalit.
Në seancën e kaluar plenare, deputetët e Partisë Demokratike krijuan një situatë kaotike në Kuvend duke mos lejuar që të zhvillohet debati ndërmjet deputetëve. Opozita ka akuzuar në bllok Ramën se ka lobuar përmes zyrtarit të FBI-së kundër saj. Takimet e ish-zyrtarit të lartë të FBI-së me kryeministrin Edi Rama, janë përdorur si ‘arsenal’ sulmesh nga opozita, të cilët e kanë akuzuar në bllok atë se ka lobuar përmes zyrtarit të FBI-së kundër saj. Por fotot që qarkullojnë tregojnë se McGonigal kishte lidhje edhe me Partinë Demokratike që aq ashpër akuzon qeverinë.
Ish-agjenti i lartë i FBI-së Charles McGonigal po përballet me dy akuza në Shtetet e Bashkuara të Amerikës, një në Nju Jork dhe një në Uashington D.C., ku në rastin e parë akuzohet se ka ndihmuar Oleg Deripaska, një oligark rus nën sanksione, me qëllim që të hiqet nga lista e biznesmenëve të sanksionuar nga qeveria e Shteteve të Bashkuara. Akuza tjetër lidhet me 2 shqiptarë, pasi zyrtari i lartë i FBI, po hetohet për marrjen 225 mijë dollarëve nga shqiptaro-amerikani Agron Neza, ish agjent shqiptar i inteligjencës, dhe mosdeklarim të tij, për të cilin ky i fundit pretendon se ia ka dhënë borxh.
(Kliko këtu për të lexuar dokumentin e plotë) Kerkesa e depozituar per seancen e Pyetje-Pergjigjeve
Kreu i Grupit të PD, Enkelejd Alibeaj foli pas mbledhjes së Konferencës së Kryetarëve. Alibeaj tha se mazhoranca nuk pranoi që ta zhvillojë interpelancën me Ramë të kërkuar javën e kaluar nga opozita për çështjen McGonogal. Alibeaj tha se PS nuk e pranoi me argumentin se u ezaurua.
“Cila ishte përgjigjja e mazhorancës, nuk e pranoi se e ezaurua seancën e kaluar. Nuk përgjigje Rama se është fshehur dhe do duhej të përgjigjej Elisa. Shkelje e rregullores. Ishte vetëm njëra. Kërkesa e dytë është një kërkesë bazuar në rregullore për pyetje dhe përgjigje që i drejtohet Ramës. 15 pyetje që ia drejtojnë kryeministrit dhe ka detyrimin që të përgjigjet. Ka pasur edhe kohën t’i lexojë të mbledhë prova dhe të japë përgjigje.
Ka një kërkesë për mocion, e paraqitur dy seanca më parë. kërkonte që do duhej që secili nga deputetët të shprehet në kohë limit, që ka 10 minuta. Cili ishte qëndrimi i mazhorancës, kanë detyrimin që ta caktonin në seancën më ta parë. Jo e shtynë nuk caktuan një datë me arsyetimin se nuk ishin edhe dy krerët e grupeve të tjera”, tha Alibeaj.
Taulant Balla, kreu i grupit parlamentar në Partinë Socialiste u shpreh se kërkesa e opozitës për të zhvilluar një interpelancë me kryeministrin Edi Rama është ezauruar.
‘Java që përkon me javën që ka të enjten 9 shkurt do të jetë një javë e gjelbërt. Dini ju se kur është miratuar konferenca e kryetarëve të ketë pasur një propozim që kjo javë të mos jetë javë e gjelbërt. Në vlerësimin tonë interpelanca quhet e ezauruar dhe interpelance për të njëjtën çështje brenda një sesioni nuk mund të zhvillohet.’- u shpreh Rama
Është miratuar nga konferenca e kryetarëve kërkesa e opozitës për mocioni me debat për McGonigal, në Kuvend.
‘Për të ndjekur seancën për një çështje me dy kërkesa. Kam thëne se jemi të gatshëm për zhvillimin e një mocioni me debat dhe këtë gatishmëri e kemi shprehur edhe sot në konferencën e kryetarëve. Ka marrë vendimin për zhvillimin e një mocioni me debat. Sa i përket kohës se sa orë dhe kur do të zhvillohet ky debat le të jetë një diskutim. Konferenca e kryetarëve ka miratuar zhvillimin e mocionit me debat. Mocioni me debat do të zhvillohet. Mbetet të caktojmë sa i gjatë do të jetë debati, të jetë një prej 12 orësh.’- tha Balla.
Komente
Lajme të tjera
-
Mero Baze: ‘Antimitingu’ dhe ‘rrahja’, identiteti primitiv i Sali Berishës
25 Nëntor, 07:03
-
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47 -
Turi me diasporën/ 'Diversantët' e Berishës 'të infiltruar' në takim! Rama: Opozita nxit akte antishqiptare në tokë të huaj! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Berisha: Rama mizogen, e tregon edhe në kabinet me gratë
24 Nëntor, 11:00 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35
Uhhh nanen e komunistave fashist ua….
Përgjigju