POP 5

Lajmet më të lexuara të 5 minutave të fundit

Bota

Çështja Navalny/ Trump: Nuk ka arsye të mos besojmë konkluzionin e Gjermanisë se opozitari është helmuar

Më herët më 4 shtator, Departamenti amerikan i Shtetit, shprehu shqetësim të madh për zbulimin se Navalny ishte helmuar

Çështja Navalny/ Trump: Nuk ka arsye të mos besojmë konkluzionin e Gjermanisë se opozitari është helmuar

Presidenti i Shteteve të Bashkuara, Donald Trump, tha se nuk ka parë asnjë provë të ndërhyrjes së mundshme të Rusisë në helmimin e kritikut të Kremlinit, Aleksei Navalny, por tha se nuk ka arsye të dyshojë në konkluzionin gjerman se ai është helmuar.

Trump i bëri komentet e para më 4 shtator, disa ditë pasi Gjermania tha se testet kanë dëshmuar se Navalnyt është helmuar me një agjent nervor të grupit Noviçok.

Kancelarja gjermane, Angela Merkel ka thënë më 2 shtator se Gjermania i ka njoftuar partnerët e saj brenda Bashkimit Evropian dhe NATO-s, lidhur me këtë çështje, në mënyrë që të vendoset për një “reagim të duhur dhe të përbashkët”.

Më herët më 4 shtator, Departamenti amerikan i Shtetit, shprehu shqetësim të madh për zbulimin se Navalny ishte helmuar.

Zëvendëssekretari i Shtetit Stephen Biegun, i tha ambasadorit rus Anatoli Antonov, se përdorimi i agjentit nervor të stilit sovjetik nga Moska do të ishte një shkelje e qartë e detyrimeve të Rusisë sipas Konventës së Armëve Kimike.

Kryeopozitari rus Navalny, u sëmurë më 20 gusht në avion, teksa ishte duke udhëtuar nga Siberia në Moskë.

Aeroplani u detyrua të bëjë ulje emergjente në qytetin Omsk, në mënyrë që Navalny të dërgohej në spital.

Pas spitalit siberian, ai më vonë u transferuan në një spital në Berlin, ku mjekët javën e kaluar thanë se ka mundësi që Navalny ishte helmuar.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57