POP 5

Lajmet më të lexuara të 5 minutave të fundit

Ekonomi

CEZ: Dy ditë kufizime energjie në
Shkodër, Burrel e Kukës, ja oraret

Nga dita e sotme dhe në dy ditët në vazhdim, tri zona në veri të vendit, si Shkodra, Burreli dhe Kukësi do të përballen me kufizime të pjesshme të energjisë elektrike për shkak të remonteve.
CEZ: Dy ditë kufizime energjie në<br />Shkodër, Burrel e Kukës, ja oraret
TIRANË – Nga dita e sotme dhe në dy ditët në vazhdim, tri zona në veri të vendit, si Shkodra, Burreli dhe Kukësi do të përballen me kufizime të pjesshme të energjisë elektrike për shkak të remonteve të programuara të linjave. CEZ ka publikuar sot, programin e kufizimit të energjisë, i cili menazhohet nga  Drejtoria Rajonale e Shkodrës, Burrelit dhe Kukësit.

KUFIZIMET E ENERGJISË SOT, 2 PRILL 2014

Në datën 2 prill 2014 nga ora 10:00 deri ne 14:00, energjia do të stakohet në nënstacionin Bajram Curri i Ri e si rrjedhim, do mbeten pa energji bashkia e Bajram Currit dhe komunat Tropojë, Mergegaj, Llugaj, Bujan dhe Bytyç.

Nga ora 09:00 deri në 13:00, energjia do të stakohet dhe në nënstacionin Shkodra 2 e  për pasojë, komunat që do të kenë kufizim të energjisë do të jenë: Oblik, Bërdicë, Dajç, Velipojë dhe Velipojë Plazh.

Nga ora 09:00 deri në 13:00 do të stakohet nënstacioni Laç 2 e si rrjedhojë, do mbeten pa furnizim me energji, lagja nr. 6 në Laç dhe fshatrat Dilknisht, Leftere, Selitë, Vinjollë, Skuraj dhe Gallatë.

Sot, nga ora 10:00 deri në 13:00 do të stakohet edhe nënstacioni në Fushë-Kuqe, që do të lërë pa furnizim me energji në këtë interval,  hidrovoret e Drojës dhe Shllinzës.

KUFIZIMET NE DATEN 3 PRILL

Në datën 3 prill 2014,  nga ora 09:00 deri në orën 13:00, energjia do të stakohet në nenstacionin Shkodra- 1, si masë sigurie për punimet që do të kryhen në Transformatorin e fuqise T-2.

Si pasojë do të ketë kufizime të energjisë në Shkodër tek lagja “Tre heronjtë”, “Skënderbek”, “Rus”, Ish-Uzina e Telave, F.N.SH, subjekti privat “Adelchi”, spitalet, fshatrat Dobraç, Shtoi i Ri, Shtoi i Vjetër, Grudë, Guci, Boriç, Hot i Ri, Mes, Drisht, Prekal dhe Kir.    

Nga ora 09:00 deri në 13:00 do të stakohet energjia edhe në nenstacionin Laç-2.  Zonat që do të kenë kufizim të energjisë do të jenë: Bashkia dhe Prefektura në Laç, spitali dhe fshatrat Milot, Mali i Bardhë, Shotë, Skuraj, Shullaz, Fushë- Shullaz , Fushë Milot.

Nga ora 09:00 deri ne 13:00 do të stakohet edhe nënstacioni i Rubikut e zonat që do të kenë kufizime do të jenë: qyteti i Rrëshenit, komuna Kthelle me fshatrat Kalanjan, Gziq, Nderfan, Tarazh, Prosek, Lurth, Shtreze, Nderfushas, Shtanë si dhe komunat Kaçinar, Kashnjet dhe Ungrej.

KUFIZIMET NE DATËN 4 PRILL

Në datën 4 prill 2014, kufizimet e pjesshme të energjisë elektrike do nisin nga ora 10:00 deri në 13:00 nga nënstacioni  Bushat i Ri, si masë sigurie për punimet që do të kryhen në çelësin 110 kV dhe thikat 110 kV.

Po ashtu, energjia do stakohet edhe në nënstacionin e Fushë Kuqes e si rrjedhim, pa energji elektrike gjatë këtij intervali do të mbeten hidrovoret e Drojës dhe Shllinzës.

Redaksia online
(ar.sh/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51