Portieri Brazilian Julio Cesar i mbyll dyert Milanit, duke u shprehur se nuk do të transferohet te ekipi kuqezi. Portieri ka hedhur në këtë mënyrë poshtë të gjithë zërat në lidhje me një rikthim të mundshëm të tij në Seria A në kundërshtarin e përjetshëm të Interit.

"Ndjehem shumë mirë në Londër dhe pastaj jam tifoz i Interit, prandaj nuk do të kthehem në Milano’tha Cezar, cili pas shumë vitesh eksperience me Inter në Seria A u transferua në fillim të këtij sezoni te QPR në kampionatin anglez.

Gjithsesi, braziliani me shumë mundësi do të largohet nga Premier League, pasi skuadra e tij është shumë pranë rënies nga kategoria. Portieri mund të transferohet në Spanjë, ose të ndërrojë ekip në Premier League, pas rënies së QPR.