POP 5

Lajmet më të lexuara të 5 minutave të fundit

Sociale

Çfarë bie jashtë, futet brenda/ Familja me 5 anëtarë në Peqin në varfëri ekstreme bën apel për ndihmë

Me fëmijë të sëmurë dhe pa asnjë të ardhur jeton familja me 5 anëtarë në Peqin. Ata jetojnë me një ndihmën ekonomike prej 6 mije lekë në muaj, por ajo nuk i mjafton për të blerë ilaçe pasi njëri prej fëmijëve është agresiv dhe i duhen vazhdimisht ilaçet. Familja Bulla kërkon ndihmë për një strehë pasi ajo në të cilën jetojnë nuk i ofron as kushtet më minimale.

Skamja është ulur këmbëkryq në familjen Bulla që jeton jo më shumë se dy kilometra nga qendra e qytetit të Peqinit. Familja me pesë anëtarë jeton në një ngrehinë që ata e quajnë shtëpi. Por pamjet tregojnë më së miri se në çfarë gjendje është kjo banesë.  Një shtëpi e ndërtuar më baltë e cila përbëhet nga vetëm një dhomë në të cilën jetojnë pesë anëtarët e kësaj familje me vetëm 6 mije lekë në muaj ndihmë ekonomike që merrnin nga Bashkia e Peqinit.

Frigoriferi është boshatisur sa që e zonja e shtëpisë del e kërkon lëmoshë nëpër fqinjët përreth, pasi shtetit e ka harruar totalisht atë. Krahas varfërisë që nuk ka nevojë shumë për koment e zonja e shtëpisë, Pranvera thotë se edhe fëmijët i ka të sëmurë. Ajo thotë se 3 fëmijët janë të sëmurë, por më problematike është gjendja e djalit ku shpesh herë bëhet agresiv, pasi nuk ka se cfarë të hajë.

Janë dy motrat e tij Fitnetja dhe Behija që kujdesen për të në shumicën e rasteve, por e kanë të pa mundur. I zoti I shtëpisë Bardhuli i kërkon ndihmë shtetit që të paktën ti sigurojë një strehë, pasi nuk kanë ku të fusin kokë, shtëpia i pikon, nuk kanë ngrohje. Me paratë që marrin nuk i sigurojnë dot as ilaçet. Dimri po vjen dhe jetesa e familjes Bulla brenda një dhome që futet uji sa herë bie shi po bëhet e pa mundur, e vetmja shpresë që i ka mbetur është tek Zoti dhe tek qytetarët që e shikojnë këtë kronikë

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sulo: 29/11/2018 01:50

    Mos u lodhni kot ska shtet Per te varferit

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Ergys Mërtiri: Ç'na tregoi më 23 nëntor Altin Dumani?

Ergys Mërtiri: Ç'na tregoi më 23 nëntor Altin Dumani?

24 Nëntor, 08:47 nga Ergys Mërtiri