POP 5

Lajmet më të lexuara të 5 minutave të fundit

Opinion

Periferi

Çfarë gjeti Albin Kurti në Tiranë?

A gjeti në Tiranë Albini shpirt të pastër opozitari, utopistë, idealistë, ëndërrimtarë për një të tashme e të ardhme më të mirë?

Çfarë gjeti Albin Kurti në Tiranë?

Albin Kurti gjatë takimeve në Tiranë

Me fjalët e Albin Kurtit shumë mund të mos jenë dakord, por që në trojet shqiptare ai është më i vendosuri opozitar, këtë askush nuk e mohon.

Me ideologjinë dhe vetëvendosjen e Albin Kurtit shumë mund të mos jenë në një linjë, por për jetën e tij, për korrektësinë e tij, askush nuk ka asnjë fjalë të keqe për të thënë.

Idealist? Utopik? Endërrimtar për një Kosovë apo Shqipëri që është vështirë të jetë e të bëhet siç është në kokën e tij? Mundet, por Albini, si pakkush mban lart zërin opozitar, jokonformist, kundërshtar pushteti e qeverish.

Tani që gjakrat duken më të qetësuar, tani që kaluan disa ditë nga vizita e tij më e fundit në Shqipëri, me opozitarë shqiptarë, studentë e shoqëri civile, diçka duhet të mësojmë prej tij: A gjeti në Tiranë Albini shpirt të pastër opozitari, utopistë, idealistë, ëndërrimtarë për një të tashme e të ardhme më të mirë?

Urojmë të mos ketë gjetur vetëm disa kokëboshë e mendjemëdhenj që siç shohim poshtë e lart, vënë në plan të parë egon gjigande, interesa personale e pasur; që sulmojnë e ngrenë hipoteza për këdo e gjithandej pa fakte e pa dituri krijojnë vetëm tym e devijojnë të vërtetën siç u pëlqen, pa u kujdesur aspak se janë lakuriq e shihen mirë nga të gjithë?

Nëse Albini do të themelonte një Vetëvendosje në Shqipëri, është e bukur të shohim  se kush do të jetë fryma dhe fytyra e Vetëvendosjes në Shqipëri.

Albini pa sy më sy dhe preku shpirtin e shumë bashkëatdhetarëve; veç fjalëve, urojmë, të ketë dalluar që brenda tyre të jetë fara e qëllimit të ndriçuar, të pastër, konstruktiv dhe të mirë, përndryshe, Shqipëria e shqiptarët janë të lodhur nga fodullë e mëndjemëdhenj që i futen politikës vetëm për përfitim.

 

a.m.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Meta: 27/02/2019 09:07

    Eshte opozitare serborus,sic eshte Salihu,Iliri,Monika, Basha,Paloka,Mediu,Shehi dhe grupi srbosllav ne Kosove.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça