Champions League ka mbyllur ditën e tretë dhe të fundit për raundin e parë. Surpriza këtë të enjte, me Barcelonën që u mposht 2-1 në Monaco. Tri pikë për Leverkusen, Benficën, Atl. Madridin dhe Brestin. Ndërkohë Atalanta dhe Arsenal barazuan 0-0.
Në "De Kuip" të Rotterdamit vendasit e Feyenoord u shpërfyturuan 0-4 nga Bayer Leverkusen. Me Granit Xhakën titullar "Aspirinat" shënuan katër herë në pjesën e parë. Wirtz me dopietë në minutat 5 dhe 36-të, Grimaldo në të 30' dhe autogoli i Uellenreuther i dhanë suksesin djemve të Xabi Alonsos që treguan një futboll sulmues.
Në "Luigji 2" në Principatë, Monaco fitoi 2-1 kundër Barcelonës. Katalanasit mbetën me dhjetë lojtarë që në minutën e 11-të. Një pasim i gabuar nga Marc ter Stegen bëri që Garcia të ndërhynte keq dhe të dilte me karton të kuq. Avantazhi numerik favorizoi vendasit që shënuan në minutën e 16-të me Akliouche, para se Lamine Yamal të barazonte ndeshjen në pjesën e parë. Duhej goli i Ilenikhena në pjesën e dytë që Monaco të merrte sërish epërisë dhe tri pikët.
Në Madrid, Atletico fitoi 2-1 kundër RB Leipzig. Gjermanët shënuan pas katër minutave lojë me Sesko, para se Griezmann të barazonte në pjesën e parë. Vetëm në minutën e 90-të Gimenez shënoi golin e fitores për djemtë e Simeones.
Në Bergamo, Atalanta barazoi 0-0 kundër Arsenalit. Te vendasit Gjimshiti luajti 90 minuta. Minuta e 51 ishte deçizive në këtë duel, me portierin Raya të Arsenalit që bëri heroin duke ndalur dy herë Retegiun nga penalltia. Edhe pse e bllokoi goditjen e parë, topi i kthyer shkoi sërish te Retegui që nuk mundi të shënonte pasi gardiani bëri detyrën.
Në Francë, Brest mori një fitore historike 2-1 kundër Sturm Graz. Magnetti dhe Sima shënuan për vendasit, ndërkohë që përkohësisht austriakët barazuan me autogolin e Fernandes.
Skandal në Beograd. Në ndeshjen e Champions League Crvena zvezda 1-2 Benfica, tifozët serbë kanë shpalosur sërish hartën e Kosovës nën flamurin e Serbisë. Me UEFA që nuk ka marrë masa për të ndalur ndeshjen dhe larguar banerin provokues, tifozët serbë vijojnë të "luajnë hartash" dhe të mos ndëshkohen. Kjo nuk është hera e parë që diçka e tillë ndodh, ndërkohë që pritet një ankesë e Federatës së Futbollit të Kosovës në UEFA.
Champions League, raundi 1:
E enjte, 19 shtator 2024
18:45
Crvena zvezda 1-2 Benfica
Feyenoord 0-4 Bayer Leverkusen
21:00
Atalanta 0-0 Arsenal
Atl. Madrid 2-1 RB Leipzig
Brest 2-1 Sturm Graz
Monaco 2-1 Barcelona
Renditja:
Brest i Francës barazoi 1-1 kundër Sturm Graz në pjesën e parë të ndeshjes në Champions League. Dueli u zhbllokua nga vendasit në minutën e 23-të, me autor të golit Magnetti. Ky ishte goli i parë i shënuar nga francezët në historinë e tyre të pjesëmarrjes në Champions League.
Lamine Yamal është futur në histori me ndeshjen e luajtur kundër Monacos në Champions League. Sulmuesi i Barcelonës i lindur në vitin 2007 është bërë lojtari i parë që ka luajtur 11 ndeshje të Ligës së Kampionëve para moshës 18-vjeçare, duke kaluar Youri Tielemans, Jude Bellingham dhe Uarren Zaïre-Emery (10 secili).
Skandal në Beograd. Në ndeshjen e Champions League Crvena zvezda 1-2 Benfica, tifozët serbë kanë shpalosur sërish hartën e Kosovës nën flamurin e Serbisë.
Me UEFA që nuk ka marrë masa për të ndalur ndeshjen dhe larguar banerin provokues, tifozët serbë vijojnë të "luajnë hartash" dhe të mos ndëshkohen. Kjo nuk është hera e parë që diçka e tillë ndodh, ndërkohë që pritet një ankesë e Federatës së Futbollit të Kosovës në UEFA.
Lajme të tjera
-
VIDEO/ Barcelona s’njeh rivalë, mposht 1-0 Getafen dhe prin renditjen! Girona dhe Vallecano pa gola
26 Shtator, 11:33 -
GOLAT/ 12 gola në dy ndeshje, Arsenali dhe Liverpooli kalojnë në 1/8 e Carabao Cup! Mbrojtësi i Kombëtares debuton me 'Topçinjtë'
26 Shtator, 08:59 -
Wojciech Szczesny pranon ofertën e Barcelonës, i vendos kushte katalanasve
25 Shtator, 15:21 -
Derbi i Beogradit kthehet në arenë dhune, tifozët futen në dhomat e zhveshjes! Dorëhiqet trajneri i Partizanit
25 Shtator, 11:51 -
UEFA i heq ‘San Siros’ finalen e Champions League për vitin 2027
25 Shtator, 11:04 -
GOLAT/ Como fiton pas 21 vitesh në Serie A, përmbys 2-3 Atalantën në Bergamo! Zhgënjen Gjimshiti, tri pikët e para për Fabregas
25 Shtator, 08:31 -
'Tërbohet' moti në Bergamo, rebeshi shtyn Atalanta - Como
24 Shtator, 09:01 -
E bujshme/ Dëmtimi i Ter Stegen te Barcelona, ‘Mundo Deportivo’: Etrit Berisha një nga kandidatët për ta zëvendësuar
24 Shtator, 08:14 -
Dëmtimi i rëndë, Barcelona: Portieri Ter Stegen do operohet, jashtë fushave 7-8 muaj
23 Shtator, 13:54 -
Barcelona s'e ndal hapin, me pikë të plota pas 6 ndeshjesh! Gudmunsson debuton me 'dopietë', Fiorentina siguron fitoren e parë (VIDEO)
23 Shtator, 10:58 -
Arsenali ‘dridh’ Man. Cityn në ‘Etihad’, e barazon 2-2 me një lojtar më pak! ‘Qytetarët’ shënojnë në minutën e 98-të, Haaland rekord
22 Shtator, 19:54 -
Mikel Arteta konfirmon dëmtimin e rëndë, Martin Odegaard mungon gjatë për Arsenalin
20 Shtator, 16:00
