POP 5

Lajmet më të lexuara të 5 minutave të fundit

Sport

Champions League/ Ndeshja e fundit për Vllazninë e vajzave: Kundër Real Madrid do jemi më mirë se herën e parë

Vajzat e Vllaznisë të enjten përballen me Real Madrid për ndeshjen e fundit në grupet e Champions League. Futbollistet premtojnë se do luajnë më mirë se ndeshjen e parë në Shkodër, ndërsa ëndërrojnë një rezultat pozitiv.

Të enjten në orën 21:00 Vllaznia e vajzave do luajë ndeshjet e fundit në grupin e Champions League në kryeqytetin e Spanjës kundër Real Madrid. Shkodranet në ndeshjen e parë janë mposhtur 2-0 në Loro Boriçi, ndërsa këtë herë shpresojnë të gjejnë të paktën golin e parë në këtë kompeticion.

“Ne kemi punuar shumë për këtë ndeshje. Jemi rritur pas çdo sfide. Kemi mësuar më shumë dhe besoj se do jetë akoma më mirë se ndeshja e parë në Loro Boriçi,”-u shpreh Esi Lufo, futbolliste e Vllaznisë.

“Presim një Vllazni më kompakte, më të bashkuar dhe të lozim me të gjitha forcat që të marrim një rezultat të mirë dhe një paraqitje sa më të denjë për ne,”-tha Matilda Gjergji, futbolliste e Vllaznisë.

Pas 5 ndeshjesh në grupin e Champions League Vllaznia ka zero pikë, por për vajzat shkodrane ishte rezultat historik kualifikimi dhe në këtë edicion sipas drejtuesve do synohet fitimi i eksperiencës për t’u rikthyer më të fortë.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Rusia dënon me mbi 4 vjet burg ish punonjësin e konsullatës amerikane

Rusia dënon me mbi 4 vjet burg ish punonjësin e konsullatës amerikane

2 Nëntor, 20:55