Champions League/ Reali dhe Inter-i për t'i 'prerë kokën' njëri-tjetrit, Atalanta teston kufijtë kundër Liverpool-it

Të martën rikthehet Champions League me xhiron e tretë në grupe që rezervon përballje tejet interesante përfshirë edhe Real Madrid-Inter. Dy skuadrat ‘big’ të grupit B duhet të ishin në vendet e para, por pas dy ndeshjeve Real Madrid renditet e fundit me 1 pikë, ndërsa Inter e parafundit me 2 pikë.

90 minutat në Madrid duhen fituar me patjetër nga Reali i Zidan, trajneri francez që para ndeshjes me zikaltërit është shprehur: “E njoh shumë mirë Interin, do të jetë sfidë delikate, e luftuar nga të dyja krahët. Ata janë shumë të fortë fizikisht dhe do të na e bëjnë të vështirë. Me Conte-n kam aporte mjaft të mira pavarësisht se këto kohë nuk jam dëgjuar me të.”

Reali vjen pas një fitoreje 4-1 ndaj Huesca-s në kampionat dhe mbi të gjitha me Hazard, që është rikthyer frikshëm pas një mungese të gjatë. Ndërkohë Inter nuk ka munduar të rikuperojë Lukaku-n, që nuk është i disponueshëm ashtu si Sensi dhe Vecino, ndërsa është rikuperuar Sanchez. Ndeshja tjetër e këtij grupi është Shakhtar Donetsk-Monchengladbach.

Për llogari të grupit A Salzburg do të presë kampionët e Bayern Mynchen, ndërsa Atletico-s do t’i duhet një tjetër fitore, kësaj here kundër Lokomotivës në Moskë.

Në Grupin C Manchester City pas dy fitoreve do të presë Olympiacos në Angli, ndërsa Porto dhe Marseille do të përballen në Portugali, në një ndeshje që mund të rezultojë vendimtare për fatet e tyre në grup.

Një 90 minutësh mjaft interesant për të parë limitet e Atalanta-s rezervon grupi D që bergameskët i përplas me Liverpool-in, një skuadër që deri më tani ka marrë dy fitore. Përballje tjetër e këtij grupi është ajo mes Ajax dhe Midtjylland.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Gazment, rrugës për në SPAK merr edhe këto letra me vete

Gazment, rrugës për në SPAK merr edhe këto letra me vete