Këtë të martë luhen nëntë ndeshjet e para të Champions League, të vlefshme për raundin e gjashtë të fazës së ligës. Gjithçka nis në një orar të pazakontë në Astana, pasi në orën 16:30 (20:30 me orën lokale) merr jetë Kairat Almaty - Olympiacos. Dueli do zhvillohet në kryeqytetin e Kazakistanit, teksa temperatura do jetë -20 gradë celcius. Paçka kushteve ekstreme dhe borës UEFA ka lejuar që kjo sfidë të zhvillohet.

Në orën 18:45 në Gjermani, Bayern Munich pret portugezët e Sporting Lisbone. Në orën 21:00 luhen shtatë duele.

Interi pret në Milano skuadrën e Liverpool, me anglezët që kanë shumë probleme këtë sezon dhe kanë përjashtuar për këtë duel sulmuesin Momo Salah pasi ky i fundit u shpreh publikisht me kritika të ashpra për trajnerin Arne Slot. Veç tij, për anglezët nuk janë të gatshëm edhe Chambers, Frimpong, Leoni, Scanlon apo Chiesa. Te Interi trajneri Cristian Chivu do duhet të bëjë pa të dëmtuarit Dumfries, Darmian, Di Gennaro apo Palacios.

Duel interesant edhe në Bergamo, aty ku Atalanta e Berat Gjimshitit luan kundër Chelsea. Bakker dhe Sulemana mungojnë për italianët, ndërsa Enzo Maresca nuk ka të gatshëm Colwill, Lavia, Delap dhe Palmer.

Në "Camp Noun" e ri për herë të parë këtë sezon në Ligën e Kampionëve, Barcelona pret gjermanët e Eintracht Frankfurt. Araujo, Gavi dhe Olmo janë mungesa të sigurta për vendasit.

Pas pesë ndeshjeve të para të fazës së ligës në Champions League, Arsenali me 15 pikë mban kreun, ndjekur nga katër skuadra me nga 12 pikë; PSG, Bayern Munich, Inter dhe Real Madrid.

Champions League, raundi i 6-të i fazës së ligës:

E martë, 09 dhjetor 2025

16:30

Kairat Almaty - Olympiacos

18:45

Bayern Munich - Sporting Lisbone

21:00

Atalanta - Chelsea

Barcelona - Eintracht Frankfurt

Inter - Liverpool

Monaco - Galatasaray

PSV - Atletico Madrid

Royale Union SG - Marseille

Tottenham - Slavia e Pragës

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Janar, 20:34

    15 vite nga ‘21 janari’, kush mendoni se urdhëroi për të qëlluar qytetarët?

Lajme të tjera