LONDËR - PSG ka hedhur një hap të rëndësishëm për të shkuar në finalen e Champions League. Këtë të martë në ‘Emirates’ skuadra franceze mposhti 0-1 vendasit e Arsenalit në gjysmëfinalen e parë. Akti i dytë, aty ku do mësohet edhe skuadra që do sigurojë një biletë për në finale do zhvillohet të mërkurën që vjen në ‘Parkun e Princave’ në Paris.

NDESHJA - Përballja në fushë nisi me golin e Ousmane Dembele. Vetëm 196 sekonda iu deshën PSG-së për të gjetur golin që në fund vendosi ndeshjen. Një pasim i Kvaratskhelia bëri që Dembele me të majtën mos gabonte nga brenda zonës.

Në pjesën e dytë, konkretisht në minutën e 47-të Arsenali barazoi me Mikel Merino, por goli u anulua për pozicion jashtë loje. Kështu, PSG merr një sukses të rëndësishëm në udhëtim dhe gjen fitoren e parë në histori kundër Arsenalit.

Në pesë takimet e para mes tyre, Arsenali kishte fituar dy përballje, ndërsa tre të tjera ishin mbyllur në barazim.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 11 Maj, 21:43

    Shqipëria votoi për Kuvendin e ri, si ju duk procesi i votimit?

Lajme të tjera