POP 5

Lajmet më të lexuara të 5 minutave të fundit

Sport

Champions, nisin ndeshjet e kthimit të 1/8! Chelsea do përmbysjen kundër Dortmund, trajneri Potter: Ka presion në skuadër

Chelsea pret sonte në Londër Dortmundin për të përmbysur rezultatin e ndeshjes së parë dhe për të kaluar në çerekfinalet e Champions League. Trajneri Potter do ketë shumë mungesa dhe thotë se ka presion, ndërsa në kampin gjermanë shprehën se është ‘jetikë për klubin kalimi në fazën tjetër’. Sakaq po sonte do të luhet në Portugali edhe sfida mes Benfikës dhe Club Brugge.

Chelsea-Dortmund është supersfida e mbrëmjes në Champions League, pasi në Londër shpresohet që të përmbyset rezultati i ndeshjes së parë në Gjermani. Në Stamford Bridge, në orën 21:00, gjermanët do të nisen me avantazhin e fitores 1-0, por episodet në ‘Iduna Park’ japin shumë shpresë te Chelsea, pasi të shumtë ishin ata që mendonin se ‘blutë’ nuk e meritonin humbjen.

Një sinjal pozitiv për Chelsea-n është edhe rikthimit te fitoret në fundjavë pas 6 ndeshjesh në kampionat, ndërsa vijojnë të kenë të sigurta mungesat e Mount, Thiago Silva-s, Aubameyang, Brojas dhe Kante. Te gjermanët më së shumti dhemb mungesa e Adeyemi-t, autorit të golit në ndeshjen e parë, ndërsa të padisponueshëm janë gjithashtu talenti Mallen, Moukoko dhe Ryerson.

Në prag të sfidës trajneri i Dortmund-it Edin Terzic ka thënë se ‘pas kësaj ndeshje do me patjetër që klubi të kalojë në çerekfinale, pasi është shumë e rëndësishme për klubin’. Sakaq trajneri i Chelsea-s Graham Potter ka pranuar se ka presion të madh në klub, por ka shtuar se është shumë optimist për të kaluar më tej në Champions League.

Sakaq po në orën 21:00, Benfica do të presë për ndeshjen e kthimit Club Brugge, një kundërshtar që në Belgjikë e mposhti 2-0. Për portugezët gjysma e punës është bërë dhe sonte duhet thjeshtë të jenë seriozë në fushë për të shmangur ndonjë surprizë.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57