POP 5

Lajmet më të lexuara të 5 minutave të fundit

Sport

Champions, Real Madrid 'mace e zezë' për Juventus, fiton dhe Bayern ndaj Seviljes

Real Madrid fitoi në transfertë ndaj Juventus me rezultatin 3:0 duke qenë kështu me një këmbë në gjysmëfinalet e Champions League. Fitore edhe për Bayern Munchen në Spanjë ndaj Seviljes.
Champions, Real Madrid 'mace e zezë' për Juventus, fiton dhe Bayern ndaj Seviljes

Momenti i golit të Cristiano Ronaldos ndaj Juventus

Janë luajtur mbrëmjen e sotme dy ndeshjet e para të fazës çerekfinale të UEFA Champions League ku kanë triumfuar në transfertë Real Madrid dhe Bayern Munchen, përkatësisht ndaj Juventus dhe Seviljes. Madrilenët e patën të lehtë ndaj ish-rivalëve të tyre në finalen e Champions sezonin e kaluar, duke i mposhtur me rezultatin 3:0 ku ra në sy performanca e shkëlqyer e portugezit Cristiano Ronaldo. 

Për ta bërë situatën edhe më të pashpresë për “Zonjën e Vjetër” mendoi Dybala, i cili kreu një ndërhyrje të ashpër kundër Carvajal dhe mori kartonin e dytë të verdhë, duke e lënë ekipin me 10 futbollistë. Për madrilenët u bë gjithçka shumë e thjeshtë dhe ata gjetën rrjetën e tretë në të 72’, pas një aksioni të bukur me anë të Marcelo-s. Këtë herë CR7 dha asistin. Në vazhdim, Reali menaxhoi rezultatin, ndërsa CR7 pati luksin të gabonte përballë Buffon. Për bardhezinjtë rrezikuan, Higuain dhe Chiellini.

Bayern mund Seviljen dhe pret kualifikimin
Bayern Munich zhvilloi një ndeshje të shkëlqyer në “Ramón Sánchez Pizjuán” duke mposhtur me përmbysje 2-1 ekipin e Sevilla. Me këtë rezultat të besuarit e Jupp Heynckes janë me një këmbë në gjysmëfinalen e Champions League, pasi ndeshja e kthimit zhvillohet në Mynih. 45’ minutat e parë u mbyllën në barazim 1-1, me bavarezët që e kontrolluan lojën, por rastet më të pastra i patën andaluzianët.

Vendasit kaluan në avantazh në minutën e 32’ me anë të Sarabia. Pas një zbritjeje të shpejtë në sulm, Escudero kroson në zonë nga e majta dhe aty përfiton Sarabia, i cili nuk e ka të vështirë të mposhtë portierin Ulreich. Përveç disavantazhit, Heynckes e shqetëson edhe dëmtimi i Vidal. Mesfushori largohet nga fusha duke i lënë vendin kolumbianit Rodriguez. Pak para fundit miqtë barazuan ndeshjen me anë të Ribery, që i ndihmuar edhe nga Navas e dërgoi topin në rrjetë. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça