Champions/ Sonte Inter-Atetico ndez Europën, Simeone: Zikaltërit në një nivel me Realin! Në Holandë luhet PSV-Dortmund

Nën tingujt e Champions League Inter dhe Atletico Madrid do vazllëzojnë sonte një prej ndeshjeve më të forta të fazës së 1/8 të këtij kompeticioni. Dy skuadrat që po kalojnë një moment shumë pozitiv në kampionatet respektive do përballen në San Siron e mbushur me mbi 75 mijë tifozë dhe që do ti sjellin Interit një fitim mbi 9 milionë euro nga biletat.

Gjithsesi ajo që vlen më shumë është fusha e lojës, ndërsa përballë nuk vihen vetëm dy ekipet, por edhe dy ide loje e trajnerëve Simone Inzaghi dhe Diego Simenone, shokë të ngushtë me njëri-tjetrin siç deklaruan në konferencën për shtyp.

Trajneri i Interit Inzaghi i ka bërë elozhe Simenones dhe Atleticos duke u shprehur se është kënaqësi të shohësh lojën e tyre këtë vit. Inzaghi ka shtuar se Simeone është një trajner i madh dhe fakti që drejton një skuadër prej 13 vitesh e tregon këtë. Ndërkohë edhe Simeone nuk i ka kursyer lëvdatat për Interin, klub me të cilin ka luajtur dy vite si futbollist. Sipas Simeones Interi është në një nivel me Realin dhe në mes të 4-5 ekipeve më të mira në botë për momentin.

Për ndeshjen e parë të 1/8 Atletico ka rikuperuar Moratan e dëmtuar edhe pse ai nuk do jetë titullarë, ndërsa Interi përveç Acerbit i cili mungon në mbrojtje ka vetëm një dyshim, atë mes Darmian dhe Dumfries në krahun e djathtë. Pjesa tjetër e titullarëve do jetë e pandryshuar, ndërsa të dy palët besojnë se kualifikimi nuk do mbyllet në Milano.

Ndërkohë po sonte në orën 21:00 në Holandë do luhet sfida tjetër e 1/8 mes PSV dhe Dortmund. Edhe pse gjermanët janë favoritë sonte pritet një ndeshje tepër e ndërlikuar në fushën e PSV.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë