POP 5

Lajmet më të lexuara të 5 minutave të fundit

Sport

Championsi i ri/ Sonte 6 ndeshjet e fundit të xhiros së parë, spikat Atalanta e Gjimshitit kundër Arsenal! Në fushë edhe Barcelona

Për shkak të formulës së re, që tani parashikon përballje në 3 ditë të javës, sonte do luhen 6 ndeshjet e tjera të Champions League ku spikat sfida e Atalantës së Gjimshitit kundër Arsenal.

Championsi i ri/ Sonte 6 ndeshjet e fundit të xhiros së parë, spikat Atalanta e Gjimshitit kundër Arsenal! Në fushë edhe Barcelona

Lookman i Atalantës dhe Saka i Arsenal

Atalanta rikthehet sonte në Champions League me një përballje tejet interesante kundër Arsenal. Në stadiumin e ri të Bergamos pritet të prevalojë spektakli, pasi të dy skuadrat njihen për lojën ultra sulmuese. Nga njëra ana do jenë fituesit e Europa League me Berat Gjimshitin në mbrojtje, ndërsa në anën tjetër nënkampionët e Premier League që këtë sezon kanë pretendime të mëdha. Të dy ekipet vijnë me mungesa teksa për Atalantën të padisponueshëm janë Ben Godfrey, Scamaca dhe Scalvini, ndërsa te Arsenal mungojnë Mikel Merino, Odegard, Tomiyasu, Zinchenko, Tirney dhe Saka e Calafiori në dyshim.

Në fushë sonte, po në orën 21:00 zbret edhe Barcelona që ka marrë një fytyrë të re me Hansi Flick si trajner. Katalnasit shihen si favoritë absolutë në transfertën e Monacos, por vijojnë të ketë në padisponueshëm Cristensen, Bernal dhe Araujo, ndërsa sëfundmi listës i është shtuar Dani Olmo dhe Fermin Lopez.

Në fushë do zbresë edhe Atletico Madrid që ka një përballje delikate kundër Leipzig. Të besuarit e Simeones kërkojnë 3 pikët për shkak se luajnë në Metropolitano, ndërsa tifozët presin spektakël nga disa prej yjeve që kanë ardhur sëfundmi.

Me mjaft interes pritet edhe Bayern Leverkusen, kampionët e Gjermanisë që në orën 18:45 luajnë në transfertën e vështirë të Feynoord. Ekipi i Xabi Alonson ka gjithashtu pretendime këtë sezon, ndërsa dy përballjet e tjera të kësaj mbrëmje janë Crvena Zvezda-Benfica dhe Brest-Sturm Gruz.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kosovë/ Paneli Zgjedhor për Ankesa dhe Parashtresa urdhëron KQZ-në të certifikojë Listën Serbe për zgjedhje

Kosovë/ Paneli Zgjedhor për Ankesa dhe Parashtresa urdhëron KQZ-në të certifikojë Listën Serbe për zgjedhje

25 Dhjetor, 17:03