POP 5

Lajmet më të lexuara të 5 minutave të fundit

Sport

Champions-i në rrezik, Milan-it i duhet 1 pikë kundër Salzburg! Pioli: Nëse luajmë në mbrojtje rrezikojmë humbjen

Sonte do përcaktohen skuadrat e fundit që do kualifikohen nga grupet e Champions League. Milan pret në shtëpi Salzburgun dhe do ti mjftonte një barazim për të kaluar më tej, ndërsa Broja e nis titullar me Chelsea-n kundër Dinamo Zagreb. Bileta tjetër e mbetur ende e paprerë do diskutohet mes Shakhtar dhe Celtic.

Në letër është favoritë, por Milan sonte duhet të paktën të barazojë kundër Salzburg për të kaluar në fazën tjetër të Champions League. ‘Djalli’ që vjen pas humbjes me Torino-n do hedhë sonte në fushë të gjithë armatën, ndërsa trajneri Pioli është shprehur se ‘nuk do luajnë në mbrojtje’, pasi në këtë mënyrë janë më afër humbjes. Milan renditet në vendin e dytë në grupin E me 7 pikë, 1 më shumë se Salzburg që tenton befasinë e madhe. Ndeshja tjetër e këtij grupi është mes Chelsea-s së kualifikuar dhe Dinamo Zagreb, që ka pretendime për të shkuar në Europa League. Për këtë duhet të mposhtë londinezët, të cilët duan hakmarrjen me Brojën në sulm për ndeshjen e parë në Kroaci.

Përveç grupit E bileta tjetër e vetme në diskutim është në grupin F. Shakhtar i vendit të tretë me 6 pikë pret Leipzig me alternativën e vetme fitoren, pasi gjermanët e vendit të dytë kanë 9 pikë. Sakaq Real Madridi kryesues duhet të bëjë detyrën kundër Celtic për të mos rrezikuar vendin e parë. Skocezët nga ana tjetër nuk kanë asnjë pretendim.

Me interes mbrëmjen e sotme pritet edhe sfida mes Juventusit dhe Paris SG. Italianët janë eliminuar nga Champions-it, por duhet të bëjnë pikë për të shkuar në Europa League. Paris SG është i kualifikuar, por duelon me Benfica-n për vendin e parë në grupin H. Portugezët nga ana tjetër kanë udhëtuar në Izrael për t’u përballur me Macabi Haiffa-n, që gjithashtu shpreson të shkojë në Europa League.

Në grupin G gjithçka është vulosur me Manchester City-t që kualifikohet si e para dhe Dortmundi i dyti. Sonte gjithsesi anglezët përballen me Sevillia-n, ndërsa gjermanët e Dortmund me Copenhagen në transfertë.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51