Champions League, Kukësi bëhet 'bunker' kundër Qarabag-ut të Ansi Agollit

Kukësi nuk shkoi më shumë se një barazim pa gola kundër Qarabag-ut të Ansi Agollit në “Loro Boriçi”, dhe tani kualifikimi do të vendoset pas një jave në Baku. Trajneri Cungu mendoi më tepër për mbrojtjen në këtë ndeshje dhe këtë e tregoi duke aktivizuar 5 mbrojtës. Diferencat ishin shumë të vogla mes kundërshtarëve, por loja ishte e mërzitshme me skuadrat që menduan më tepër për mbrojtjen.

Kukësi e nis në sulm dhe në minutën e 6′ i afrohet golit, pas një krosi nga Melo që depërton bukur nga e majta, por Agolli tregohet më i shpejtë se Çyrbja dhe largon topin në këndore. Në këto minuta mungojnë rastet e rrezikshme me miqtë që japin sinjalin e parë pas 22’ minutash me Guerrier. Pas një aksioni të rrezikshëm sulmuesi del i vetëm përballë Frashërit dhe provon të krosojë për një nga shokët e skuadrës, por Qaqi tregohet më i shpejtë dhe largon rrezikun. Miqtë kanë sërish një rast të rrezikshëm, në minutën e 35′ pas një goditjeje dënimi. Ozobic, provon nga një pozicion i prirët, por pa sukses. Pavarësisht rasteve të rrezikshme ky fraksion u mbyll në barazim pa gola.

Edhe në pjesën e dytë ekipet janë shumë të kujdesshme dhe si rrjedhojë mungojnë rastet e rrezikshme. Në minutën e 52’ Alla gabon brenda zonës, por falë ndërhyrjes së Shametit verilindorët shpëtojnë mrekullisht. Çyrbja dhe Plaku janë ata që impenjohen më tepër duke u kthyer në një rrezik kostant për azerët sa herë që kanë topin në zotërim. Qarabag i afrohet golit në minutën e 70’, me anë të Michel. Sulmuesi përfitoi pas një topi të kthyer në zonë dhe provoi me gjuajtje të fortë, me verilindorët që larguan rrezikun në këndore.

LEXO EDHE:
Champions League/ Juventusi ‘zhyt’ Man. Cityn, e mposht 2-0! Barcelona fiton 2-3 dhe kalon më tej, tri pikë Milani e Arsenali! Skuadrat e kualifikuara dhe eliminuara

Pas 75’ minutash trajneri Cungu bëri zëvendësimin e parë duke hedhur në fushë sulmuesin Harba në vend të Plakut, që harxhoi shumë energji. Kukësi ka rastin më të mirë të mundshëm për të kaluar në avnatazh në minutën e 78’. Pas një aksioni të shpejtë nga e majta topi shkon te Çyrbja, i cili e ul bukur me gjoks për William, por braziliani gabon fatalisht nga një pozicion i volitshëm. Minutatat e mbetura nuk prodhuan asgjë dhe ndeshja u mbyll në barazim 0-0. /EDS/

TAG:
• champions league
• Ansi Agolli
• Qarabag

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1490

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq