Premier League e futbollit në Angli nisi këtë të shtunë raundin e tetë. Në 'City Ground', vendasit e Nottingham Forest u mposhtën 0-3 nga Chelsea. Nëse sheh vetëm rezultatin të krijohet përshtypja e një tripikëshi të lehtë për 'Blutë', por në fushë gjërat nuk ishin të thjeshta.

Ishte Nottingham që kishte kontrollin e lojës në pjesën e parë, duke humbur disa raste për gol. Chelsea me Marescan në tribunë ishte me fat që nuk pësoi dhe pjesa e parë u mbyll me rrjeta të paprekura.

Në nisjen e fraksionit të dytë, konkretisht në minutën e 49-të, një pasim i Pedro Netos u devijua me kokë nga 19-vjeçari Acheampong dhe u ndal në rrjetë. Me euforinë e golit, Chelsea pa drejt sulmit dhe gjeti golin e dytë. Këtë herë Pedro Neto e ndali vetë sferën në rrjetë.

Nottingham u befasua dhe vendasit u tronditën nga dy golat e pësuar, aq sa presidenti Evangelos Marinakis u largua nga tribuna. Vendasit goditën dy herë shtyllën gjatë një aksioni, por nuk qe e thënë që sfera të ndalej në rrjetë paçka rasteve.

Në minutën e 84-t duhej Reece James që të 'vuloste' suksesin 0-3 dhe t'i dërgonte 'Blutë' në vendin e katërt në kuotën e 14 pikëve, dy më pak se kryesuesit e Arsenal që kanë një ndeshje më pak. Në fund kishte vend edhe për kartonin e kuq të Malo Gusto, me Chelsea që e mbylli me dhjetë futbollistë.

Sa i takon Nottingham, e ardhmja e trajnerit Ange Postecoglou u vendos 30 minuta pas humbjes. Presidenti grek vendosi të shkarkonte Ange Postecoglou pas 39 ditësh, pasi në 8 ndeshje mori 5 humbje, 3 prej tyre radhazi.

S.Dh/Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Mars, 23:51

    18 vite nga Gërdeci, a besoni se do ndëshkohen përgjegjësit e vërtetë?

Lajme të tjera