POP 5

Lajmet më të lexuara të 5 minutave të fundit

Sport

Chelsea fiton Superkupën e Europës, mund nga 11-metërshat Villarreal! Heroi portieri Kepa, futet në fushë për penalltitë e pret dy

Chelsea mposht Villarrealin me penallti dhe fiton Superkupën e Europës. Në Belfast londinezët triumfuan 6-5 pas penalltive pasi 120 minutat u mbyllën 1-1. Heroi i Chelsea-it ishte portieri Kepa që u fut në fushë vetëm për penalltitë dhe priti dy të tilla.

Chelsea e nis sezonin me një trofe. Blutë e Londrës kanë triumfuar në Belfast të Irlandës së Veriut ndaj spanjollëve të Villarreal dhe kanë fituar Superkupën e Europës. Gjithçka u vendos tek penalltitë ku anglezët u treguan më të saktë dhe fituan 6-5. Koha e rregullt dhe shtesat u mbyllën në barazim 1-1. Skuadrën e Tuchel që është fituesja e Champions e kaloi në avantazh Hakim Ziyech në minutën e 27-të ndërsa për spanjollët që fituan Europa League barazoi Gerard Moreno në minutën e 73-të. Edhe në kohët shtesë nuk ndodhi asgjë por erdhi zëvendësimi në portën e Chelseat.

Një minutë përpara se të gjuheshin penalltitë trajneri i Chelseat Tuchel nxjerr nga fusha portierin Mendy dhe fut spanjollin Kepa si specialist i njëmbëdhjetëmetërshave. Dhe Kepa nuk zhgënjen duke pritur dy penallti të gjuajtura nga Mandi dhe Albiol. Kepa hero dhe Chelsea pas Champions League fiton edhe Superkupën e Europës. Ky është trofeu i dytë i Superkupës së Europës për Chelsean që për herë të parë e kishte fituar në vitin 1998./ Përgatiti Andi Kapxhiu

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Afera Partizani/ SPAK kërkon kthimin e Berishës në arrest shtëpie, Apeli i GJKKO-së cakton gjyqtarin që shqyrton ankimimin

Afera Partizani/ SPAK kërkon kthimin e Berishës në arrest shtëpie, Apeli i GJKKO-së cakton gjyqtarin që shqyrton ankimimin

27 Dhjetor, 12:35