POP 5

Lajmet më të lexuara të 5 minutave të fundit

Sport

Chelsea ka opsion vetëm fitoren, Milan me shumë mungesa në Londër! Sonte në Champions edhe Juve-Haiffa, Benfica-Paris përplasen për kreun

E mërkura në Champions League ofron një tjetër përballje titanësh siç është Chelsea-Milan. Italianët kanë shumë mungesa, ndërsa te londinezët Armando Broja do e nis në stol. Jo më pak interesante është sfida mes Benfikës dhe Paris SG, ndërsa në Torino Juventus do kërkojë me doemos fitoren kundër Maccabi Haifas.

Këtë të mërkurë sytë e të apasionuarve të Champions League do jenë në Londër e konkretisht te sfida e shumëpritur mes Chelsea-s dhe Milanit. Anglezët kanë vetëm 1 pikë pas 2 ndeshjeve të para dhe sonte alternativë është vetëm fitorja. Për këtë kanë edhe fatin me vete, pasi kampionët e Italisë kanë një sërë mungesash. Portieri Maignan, Hernandez, Florenzi, Saelamakers, Kjaer dhe Calabria janë disa prej tyre, ndërsa duhet theksuar se Rebic dhe Leao sapo janë rikthyer me skuadrën. Te Chelsea Jorginho dhe Cucurrela, ndërsa Armando Broja sipas të gjitha parashikimeve do ta nisë nga stoli ndeshjen.

Sfida tjetë e këtij grupi, grupit E, luhet në Austri mes Salzburg dhe Dinamo Zagreb.

Një tjetër sfidë ku opsion është vetëm fitorja luhet në Torino mes Juventusit dhe Macabi Haiffa-s. ‘Zonja e vjetër’ pas 2 ndeshjeve të para ka 0 pikë dhe pas fitores së fundit në kampionat kërkon të tregojë se krizës i ka ardhur fundi. Për Allegri-n në pikëpyetje është Milik, ndërsa Pogba dhe Chiesa vijojnë të mungojnë. Sfida tjetër e grupit luhet në Portugali mes Benfica-s dhe Paris SG. Të dy skuadrat kanë kuotë të barabartë pikësh dhe sonte përcaktohet komanduesi, të paktën për momentin.

Në grupin F Real Madrid kampion në fuqi pret në ‘Bernabeu’ Shkahtar Donetsk, ndërsa po për këtë grup në orën 18:45 në Gjermani Leipzig sfidon Celtic. Dy ndeshjet e tjera të mbrëmjes luhen në Manchester, me City-t që përballet me Copenhagen dhe Sevillia-n e cila ka 0 pikë, por që sonte pret Dortmund-in.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Vlorë/ Të shtëna me armë zjarri në lagjen ’24 Maji’, 1 i plagosur (EMRI)

Vlorë/ Të shtëna me armë zjarri në lagjen ’24 Maji’, 1 i plagosur (EMRI)

18 Dhjetor, 21:50