POP 5

Lajmet më të lexuara të 5 minutave të fundit

Sport

Chelsea në ‘pikë të hallit’, Potter: Luajtëm më mirë se Dortmund, na mungoi goli

Vendi i dhjetë në Premier League pas 23 ndeshjeve dhe humbje në Champions League. Kjo është pasqyra e Chelsea në një sezon jo të mirë.

Chelsea në ‘pikë të hallit’, Potter: Luajtëm më mirë se Dortmund, na mungoi goli

Graham Potter, trajneri i Chelsea

Vendi i dhjetë në Premier League pas 23 ndeshjeve dhe humbje në Champions League. Kjo është pasqyra e Chelsea në një sezon jo të mirë. Blutë humbën dje 1-0 me Dortmundin në “Iduna Park” për ndeshjen e parë në 1/8 e Ligës së Kampionëve, teksa thellohet kriza e tyre. Për trajnerin Graham Potter loja e të tijve ka qenë më e mirë se kundërshtari.

“Kemi pasur një paraqitje të mirë, veçanërisht në pjesën e dytë. Krijuam shumë raste, por jam i zhgënjyer me golin që pësuam. Ne ishim skuadra dominuese në pjesën e dytë. Kemi edhe ndeshjen tjetër dhe duhet të rigrupohemi. Pësuam gol në një kundërsulm. Kjo e theu ekipin. Ishte zhgënjyese, duhet të bëjmë më mirë. Përveç kësaj, ekipi ishte vërtet mirë. Duhet vetëm të shënojmë”, theksoi trajneri në një prononcim për BT Sport.

Potter më pas ceku edhe rolin e tifozëve, që sipas tij mbetën të kënaqur nga loja dhe duartrokitën ekipin.

“Ne mund të shohim reagimin fantastik nga tifozët tanë. Ishte vërtet pozitive. Ne jemi një ekip në zhvillim dhe morëm shumë gjëra pozitive nga kjo ndeshje. Është gjithashtu e vërtetë që gjithmonë kemi nevojë për pak fat, por mezi presim fatin. Djemtë ishin vërtet fantastikë në mënyrën se si punonin. Tani për tani ne ende po vuajmë, por duhet të vazhdojmë të punojmë”, tha trajneri Potter.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51